بعد شمتاني يگلبي

[فقار الكرخي]

كاظم العطشان

( لِم دربهم )

لِم دربهم......
بعد شمتاني يگلبي...........؟
الليله وحشه......
الليله شدّينه الرحال.....
ولاتناطر چفي يعِتَّك...
هاذه صوت الريح يدوي...
اشتلتفت........؟ مامش تعال .....!!!
لِم دربهم....صار ليل
وغيّمت غيض السمه وأذّن بلال
اتيمم ابجرحك ندامه...
وگوم صللّي
الفرگه ( واجب)... والهجر صاير( حلال)
لم دربهم........!!
وطوي سالوفة عشگهم..........!!
گامه....گامه
اشلون من تطوي الاحبال.......
لا يگلبي.....؟
وهمّه گالو صرنه غربه......!!!
وبعد لاتنشد عليهم...
فشله ع الغربه السؤال.....!!!
اتيتمت بوّل عشگهم......
ونته من زغرك يتيم..اشعوّداك اعله الدلال..؟
ماني گتلك.........!!!.
لاتظل سعفه ابهواهم
تگظي عمرك خوصه بحضان السِلال...!!
ولاتخلي الندم عاهه...
عاهة المكسور تشفه...وعاهة اليندم محال..
العشب مات...وطبعي بدوي..
اشما يشِحّ العِشِب شال...
لم دربهم...
(نارهم تاكل حطبهم...)
خلهم ابشرجي هواهم...
ونطي وجهك للشمال......
الليله وحشه....
الليله شدّينه الرحال...

 

[فتنةة العصر]

رد: بعد شمتاني يگلبي

ابداع راقي ومميز
عاشت ايدك

 

[ملهم]

رد: بعد شمتاني يگلبي

..
شكرا لجمال اختيارك
ود لا ينتهي
..

 

[سعد العراقي راقي]

رد: بعد شمتاني يگلبي

شكرا لجهودك
تحياتي لك

 

[قيصر الحب]

رد : بعد شمتاني يگلبي

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[mohammed.shams]

رد: بعد شمتاني يگلبي

لجهودكم باقات من الشكر والتقدير على المواضيع الرائعه والجميلة

 

[آهات حالمه]

رد: بعد شمتاني يگلبي

موضوع رائع
تسلم الأيادي
ربي يعطيك ألف عافية
لروحك الفرح.​