بعد عگبيش … بعد ما مرمرت روحي... بعدما كثرن جروحي … محسن الخياط

[غزل..ᥫ᭡]

محسن الخياط

بعد عگبيش

بعد ما مرمرت روحي... بعدما كثرن جروحي


بعد مامات الگرنفل


بعد ما خضر العاگول من نوحي...


بعد عكبيش


يل عني سنين طوال ،


يالمجفي خذاك الطيش ...


يهالكاطع عليه الماي ،


افرفح بين جزره وگيش ..


شكلك ، ما اكلك ليش ...





يل عينك جوية هواي ...


لافادك حنيني ولا وفيت وياي...


لا غزر ملح لا زاد ،


يهالمجفي ونسيت رباي ...


كل ابچاي ،


كل اغناي ،


كل جروحي المخزنات ،


ياوسفه برخص هل ماي ...





يهل چانت علة اشفافك الف لالة.


گاع العاشكك صبخة شتظن تنفعهة الوشالة.


يعنبر نسفوك وتطلع اسحالة.


شهر ما بي الك خبزه ،


ولك شسوي بهلاله ...


ولك تتعب ولك تسهر


تعد ايامه ولياله ...


الف لالة وبعد لالة





لاريدك ولاريدن الك جية.


يحايف باگ من ورد العشگ فية.


بعد ماچانت الرية اتحضن رية


اجيت وشنهو هالجيه ؟...


عطف منك ؟


حرام ان چان جيتك صافيه النيه ...


رد رد بطريجك مالي حيل اهواك ...


وشعندك عله الينساك ...


لچوي الگلب عطابه


عبن حبك عبن لاشاك ...


عبن ما يدري ابعودك شري وحنظل


لحصدنك حصد منجل ..

 

[رمااد اانسان]

اختيار موفق يستحق الشكر والثناء
عاشت الأيادي

 

[غزل..ᥫ᭡]

اختيار موفق يستحق الشكر والثناء
عاشت الأيادي

يسلمك ربي
شكرا لمرورك الطيب …

 

[آهات حالمه]

سلمت يداك على روعة الطرح
وسلم لنا ذوقك الراقي على جمال الاختيار
لك ولحضورك الجميل كل الشكر والتقدير
اسأل الباري لك سعادة دائمة
ودي وتقديري لسموك
​