&& بعض كلمات مواويل أمير الطرب العراقي حاتم العراقي &&

[سُـوْࢪ مـن وࢪد]

كلمات موال من اغلى ناسي لحاتم العراقي




احبك من زمان وخايف احجيها


صار سنين كلمة بصدري خافيها



ولو نزلت دمعتي لكن من اشتاك



لسوي الروح دمعة ويمك ابجيها



روحي رادتك لبست ثياب العيد



ورادتني على روحك هسه اوديها




باسمك حيل صاحت لا تروح بعيد



لا تستعجل بممشاك تاليها


يالرايــد تسافـــر الـــــروح اخذها ويــــ,,ــاك


وبعدكــــــ لو رحــــت المن تخليــــــها




,,,,,




كلمات موال الاب لحاتم العراقي





كنا صغار نقعد وقت الغروب بباب الدار ننطر جيت أبونه


يرجع مبتسم بس وجه متعوب ومن يشوفنا يضحكن عيونه

يجي محمل ابونا اشكال والوان وتظل تلوم بيه امنا الحنونه


تعبك هذا تعبك لا يبو فلان تتعب والصغار يضيعونه

لكن يبتسم ودموعه بالعين ويكول لامي التعب يستاهلونه

-
هذولا حزام ظهري بساعة الضيق ولك بالشدة يم فلان عونه


أبونا على جتافه صغار وكبار لعبنا سنين ما تعبن متونه

يلبسنا حرير وهو محروم وقميصه من التعب مقلوب لونه


واذكر لو لعبنا الوالده تصيح أبوكم نايم ولا تفززونه

لحد هاليوم تصدق منك انخاف ونجل اسمك يوالدنا ونصونه

يهنيـــــــــــالله اليســـعدك واليرضـــيك برضاك الجنـــة ندخله يبـــــــــــونه





,,,,,,




كلمات اغنية حاتم العراقي انه همومي جهال




انه همومي جهال وترضع ادموع

اكضي اليل الولي وماينامون
اغفي ابهذا يكعد ذاك ويلوع


ويفزون اعلى صوته ماينامون
الكبر منهم فطمته وياكل اضلوع


شسوي اشلون لو كلهم يكبرون
جنح بيه انكسر والثاني مخلوع


وطرت كوه على اعناد اليكرهون
بس اسمك نهر والماي مكطوع



وانه اعلى الجرف الهث بلعيون
اون بسكوت موش ابصوت مسموع



وانه اجروحي علج والوادم اسنون
من عركه الفرح من روحي مشلوع



وشتل حزنه الزمان ابنص العيون
عشت عمري أبيتم ومكمط ابجوع


ورضعت الظيم من دون اليرضعون
ويمرني العيد وانه ابثوب مركوع



وعيديتي جرح عكس اليعيدون
تمنيت الوكت لو يرجع ارجوع



وانه امسودن وكولن يرجع الكون
بعده اخضر عشكنه وتوه مزروع


واجو ربعي امناجلهم يحصدون
يونس زين عمي ابحوت مبلوع



وانه ابحلك الشماته المايرحمـــون





,,,,,,,





كلمات اغنية حلووووووين




حلوين رغم الحزن رغم الحزن حلوين
نضحك ولو بالدمع يا دنيا غرقانين
رغم الي بينا صار
نصبر صبر اشجار
حلوين احنه ولو على الاه متعودين



طيبتنا من طيب النهر حلوين
و بعيونا يغفى السهر حلوين
يا حسره ما صرنا دمع
ياظلمه ما صرنا شمع
ما كلنا تعبانين تعبانين حلوين



مهما يعذبنا الزمن حلوين
ودموعنا هي الثمن حلوين
نصبر ولا يمنا الالم ونعيش في اه وندم
وما كلنا خسرانين خسرانين حلوين




حلوين رغم الحزن رغم الحزن حلوين

نضحك ولو بالدمع يا دنيا غرقانين,,, حلويـــــــن

 

[قيصر الحب]

رد: && بعض كلمات مواويل أمير الطرب العراقي حاتم العراقي &&

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحك

 

[ابن الانبار]

رد: && بعض كلمات مواويل أمير الطرب العراقي حاتم العراقي &&

كلمات روعة

تسلم الايادي اختي

 

[سُـوْࢪ مـن وࢪد]

رد: && بعض كلمات مواويل أمير الطرب العراقي حاتم العراقي &&

شكرا للمرور

انرتوا

 

[أوجاع ألظلام]

رد: && بعض كلمات مواويل أمير الطرب العراقي حاتم العراقي &&

سلمت الايادي

 

[سعد العراقي راقي]

رد : && بعض كلمات مواويل أمير الطرب العراقي حاتم العراقي &&

تسلمين
شكرا جزيلا لك