جينه نمشي ...
جينه نمشي وكلنه واهس من اجينه
جنه نتوقع نلاكي عيون تدمع لو بجينه
وما لكَينه .
ما لكَينه فراش دافي ـ يذوب الوحشة بحنينه
ولا لكَينه ..
جفوف طيبة تكض ادينه
بس لكَينه عيون وكحة . حيل وكحة
بلا خجل تنظر علينه ..
وانكسر واهسنه غفلة .. وغيمت بينه الليالي
جان حالي حيل حالي .. وهسه مر بالغربه حالي
ويه الليالي .. البجت عيون الليالي
ينفجر بركان صبري .. من تمر امي عله بالي
وجني شفت بحلمي امي .
تكلي يمه ارجع علينه
وتدمع عيون المحنه .. لمن اسمع (( مو بدينه ))
(( مو بدينه نودع عيون الحبايب مو بدينه ))
لا بدينه ...
احنه ردنه الغربة هاي .. وحيل بينه
جعنه ومرضنه وعطشنه ... وكَفنه يم بيبان غربه
ها ندكَـ ؟؟ ها ما ندكَهه ... ودكَة البيبان صعبه
وبين هاي وهاي حيل اتحيرينه
الكرامة تكول رجعوا .. والالم كَاللنه دكَوا
كَلنه غربة وخل ندكَهه .. وكَصت الحيرة ادينه ...
ومن تعبنه صرنه دمعه ... وكَعدت بخد الطريق
كَمنه ندعي نشوف صاحب .. لو صديق
والسمه استمعت دعانه .. من دعينه
انعده .... بس ياهو التعده ؟؟؟
اتعده تابوت المحبة
مشيعته الذكريات ..
ومن سألنه ياهو هذا ؟؟ شلون مات ؟؟
طلعت جنازة عشكَنه .. ميت ويسأل علينه
ناس غربة ومحد النه
حته احنه
كَمنه نسأل ياهم احنه ... ؟؟
وانه ... انه ...
انه عايف ناسي واهلي
ليش عايف ؟؟ لان خايف .
منين خايف ؟؟
والله مدري منين خايف
السوالف ماتت بسجن الشفايف
والمعارف جنهه مو ذيج المعارف
والمضايف ... عالرصيف
كَاعده تجدي المضايف
ناس غربة وفاض بينه الاشتياق .
ومن سألنه وين احنه ؟؟
كَالوا بنص العراق .
بنص وطنه تغريبنه ؟؟
ابنص وطنه ...
اتغربينه
جينه نمشي وكلنه واهس من اجينه
جنه نتوقع نلاكي عيون تدمع لو بجينه
وما لكَينه .
ما لكَينه فراش دافي ـ يذوب الوحشة بحنينه
ولا لكَينه ..
جفوف طيبة تكض ادينه
بس لكَينه عيون وكحة . حيل وكحة
بلا خجل تنظر علينه ..
وانكسر واهسنه غفلة .. وغيمت بينه الليالي
جان حالي حيل حالي .. وهسه مر بالغربه حالي
ويه الليالي .. البجت عيون الليالي
ينفجر بركان صبري .. من تمر امي عله بالي
وجني شفت بحلمي امي .
تكلي يمه ارجع علينه
وتدمع عيون المحنه .. لمن اسمع (( مو بدينه ))
(( مو بدينه نودع عيون الحبايب مو بدينه ))
لا بدينه ...
احنه ردنه الغربة هاي .. وحيل بينه
جعنه ومرضنه وعطشنه ... وكَفنه يم بيبان غربه
ها ندكَـ ؟؟ ها ما ندكَهه ... ودكَة البيبان صعبه
وبين هاي وهاي حيل اتحيرينه
الكرامة تكول رجعوا .. والالم كَاللنه دكَوا
كَلنه غربة وخل ندكَهه .. وكَصت الحيرة ادينه ...
ومن تعبنه صرنه دمعه ... وكَعدت بخد الطريق
كَمنه ندعي نشوف صاحب .. لو صديق
والسمه استمعت دعانه .. من دعينه
انعده .... بس ياهو التعده ؟؟؟
اتعده تابوت المحبة
مشيعته الذكريات ..
ومن سألنه ياهو هذا ؟؟ شلون مات ؟؟
طلعت جنازة عشكَنه .. ميت ويسأل علينه
ناس غربة ومحد النه
حته احنه
كَمنه نسأل ياهم احنه ... ؟؟
وانه ... انه ...
انه عايف ناسي واهلي
ليش عايف ؟؟ لان خايف .
منين خايف ؟؟
والله مدري منين خايف
السوالف ماتت بسجن الشفايف
والمعارف جنهه مو ذيج المعارف
والمضايف ... عالرصيف
كَاعده تجدي المضايف
ناس غربة وفاض بينه الاشتياق .
ومن سألنه وين احنه ؟؟
كَالوا بنص العراق .
بنص وطنه تغريبنه ؟؟
ابنص وطنه ...
اتغربينه
بقلم الشاعر سيف الحلفي
