تذكرنه..

[العـ عقيل ـراقي]

افرح ياكلبي بهداي

اخاف اتروح فرحتنه

اهي محنه حبينه وتعلمنه

لوساعة فرحنه للكمر طرنه

حته الكاع ما تلمنه

جان الشوك تالفنه

سم ومصاب غير الضيم ما شفنه

جرعنه اسموم فوك اسموم

جرعنه اسموم تضوي انجوم

لجن فوك الظلوع اكزاز يتكسر

طويت الروح ملمومه بضيم

هضيمه الزين يتمرمر

ترف وتاخذ اعيوني

واكولن شتريد اكثر

النار النار خله تحرك بكايه الروح

كدامك الروح بس تفتر

ترف وتاخذ اعيوني

واكولن شتريد اكثر

ضيم وضلايم منك شفت يامغتر

وبس لسنك يبسم اشوفنه

كلنه تو العشك ريعنه

افرح ياكلبي بهداي

اخاف اتروح فرحتنه

شوغات ظنك من تفارك

ابشرك بس الفرح ما يمرنه

كلش انحمل منه كواشر

هم وضيم وحزن

ولوعة احنه وياها تحاببنه

تراجي بذني خليت

وعلى صدري هواي اهموم لميت

وشكثر الك بالروح حلفيت

لجن وسفة اسمعت سكتك

اتصيح ما نحب ، نحب

بس نفسنه..

عمي على راحتك

بطليت وكلش أيسيت

واكلك باجر من يمرك الخير

تذكرنه..


13/02/2015
العـ عقيل ـراقي
​

 

[إيروس]

رد: تذكرنه..

كعادتك تكتب فتبدع باحساس عذب
وطرح رائع دمت ودام نبض قلمك المتميز اخي
تحياتي

 

[انثى ملائكيه]

رد: تذكرنه..

كلمات رائعه
تسلم ايدك
دوم الابداااع

 

[المشتاق]

رد: تذكرنه..

بسم الله الرحمن الرحيم

أخي الكريم الشآعر عقيل العرآقي

سلمت يدآك للوحة الجميلة والرآئعة
{{{{{ تذكـــــــــــــرنه }}}}}
دآم لنا فيض العطآء
وللمزيد منَ كل جديد
تحيآتي ودعآئي
دمت موفق

​

 

[*Marwa*]

رد: تذكرنه..

كلمات جميلة جدااا
م ننحرم

 

[العـ عقيل ـراقي]

رد: تذكرنه..

راقني طيبكم احبتي
شكرا لكم مع الود
كل الاماني
عقيل العراقي​

 

[علي حسن]

رد: تذكرنه..

عاشت الايادي

 

[العـ عقيل ـراقي]

رد: تذكرنه..

شكرا لحضورك

 

[العـ عقيل ـراقي]

رد: تذكرنه..

عاشت ايدك
شكرا لك