أخواتي وإخوتي أعضاء وزوار
منتديات فخامة العراق
السلام عليكم ورحمة الله وبركاته
يعود اليكم من جديد برنامجكم
هذه حياتي
ويسعدنا ويسرنا جدا بأن نضع بين أيديكم
الحلقة (36)من البرنامج
بحلته الجديده
بشكل استثائي قبل شهر رمضان المبارك
لكي يتعرف الاعضاء الجدد في المنتدى
وهم كثيرون ونعتز بهم على هذا البرنامج
وستكون الحلقات الاخرى خلال الشهر الكريم
الهدف من هذا البرنامج
هو إضافة فسحة من التغييروكسرالروتين
وتلطيف الأجواء وزيادة أواصر التعارف والأخوة
داخل بيتنا الجميل
منتديات فخامة العراق
وفكرة البرنامج
تتلخص بأن تستضيف أسرة البرنامج
أحد أعضاء المنتدى من الجنسين
ليقوم بسرد أهم وأبرز
ذكريات وأحداث ومحطات حياته
بشكل سلسل وجميل بدءا من أيام طفولته
والى حد يومنا هذا
وكأنه يكتب قصة حياته وبدون رتوش
تتلخص بأن تستضيف أسرة البرنامج
أحد أعضاء المنتدى من الجنسين
ليقوم بسرد أهم وأبرز
ذكريات وأحداث ومحطات حياته
بشكل سلسل وجميل بدءا من أيام طفولته
والى حد يومنا هذا
وكأنه يكتب قصة حياته وبدون رتوش
وسنقوم بتحديد محاور
الحديث والأسئلة للضيف
وتتركه يتحدث
بدون حاجة أو ضرورة لطرح الأسئلة
عليه من قبل الأعضاء
لكي يكون الحديث
متسلسلا ومركزاعندما يبدأ بسرد
تأريخ حياته مرورا بأبرز محطاتها
من أجل أن يتعرف أعضاء المنتدى
على الضيف أو الضيفه
الحديث والأسئلة للضيف
وتتركه يتحدث
بدون حاجة أو ضرورة لطرح الأسئلة
عليه من قبل الأعضاء
لكي يكون الحديث
متسلسلا ومركزاعندما يبدأ بسرد
تأريخ حياته مرورا بأبرز محطاتها
من أجل أن يتعرف أعضاء المنتدى
على الضيف أو الضيفه
ويسعدنا ويشرفنا أن يكون ضيف
الحلقه (36) من البرنامج
عضو استثنائي ومتالق في سماء الفخامه
وصاحب امكانيات ومواهب متعدده
سنحاول أن نتعرف على اسراره
وقد سمح لنا مشكورا
بأن نشاركه ذكريات حياته وأبرزمحطاتها
إنه
الحلقه (36) من البرنامج
عضو استثنائي ومتالق في سماء الفخامه
وصاحب امكانيات ومواهب متعدده
سنحاول أن نتعرف على اسراره
وقد سمح لنا مشكورا
بأن نشاركه ذكريات حياته وأبرزمحطاتها
إنه
OMER BASHA
نتركه ليستعيد ذكريات حياته وليحدثنا عنها
مرحلة الطفولة بالنسبه الي كانت متداخله أغلب الوقت
بين الطفل الي متربي بدون أب
وما يعرف شنو هذا الشعور
الي المفروض يشعر بيه مثل بقية الأطفال
وبين الطفل الي أمه تبذل كل شيء تكدر عليه
حتى ما يحس بهذا الإحساس وما يحس بالفرق
بوجود او غياب الأب
ومع ذلك وبشكل عام
كنت العب واطلع واتونس مثل كل الاطفال الي بسني
أمــا الأصدقاء
ف كنت امتلك تقريبا اكثر من 20 صديق
لكن كلهم اصدقاء بمسافة
صح اطفال وصح ما نعي ونفهم لكن الفطره كانت
انو اخلي اصدقائي على مسافة بعيده نوعـاً ما عني
بس كان عندي اخوان 2
نور + حمزة
ولد وبنيه هذولي من عمري 5 سنوات الى الأن
اصدقائي ومتواصلين بشكل يومي
بالنسبه للوكاحه او الشقاوه
ف لحد ال7 سنوات كنت طفل هادئ ممكن اكعد
يم اي شخص 3 ساعات بدون لا اتحرك او اتكلم
وره هالعمر بالعكس
صرت طفل شقي جدا ونشط جدا
الكل كان يصيحولي عموري
الا امي
تصيحلي
أنوشكه هههههه
افلام الكارتون الي كنت احبها
كريندايزر
كابتن ماجد
سلام دانك
كاليميرو
سندباد
ما احفظ اغاني كنت اردديها ايام الطفولة
مدرستي الابتداذيه اسمها الحسن البصري
كنت اخاف من الإهانه اكثر من العقوبه بالضرب
بالنسبه للمواقف الطريفه بهاي المرحله
كان اكو مدرسة اسمها ست حميدة
بالصف الثالث الإبتدائي كانت
تكرهني كره شديد
والمشاعر كانت متبادله
كنت اجيب الها كلاص مي كل يوم
وبالكلاص كنت اخلي رمل قليل
من تشربه
والحمد لله بعد كم شهر
اخذت اجازه وسوت عملية صار عدها حصوه
بالمراره او الكلى
ما اذكر بالضبط المكان
اما الزملاء
فكنت جالس بين بنات 2
ساره + هبه
اشطر 2 بالمدرسه
واني كنت بنفس مستواهم بالدراسه
المديره غيرت مكاني وجابت بنت اقاربها
تجلس بين البنات حتى تتأثير بشطارتهم .. الخ
المهم
كل الي سويته انو كمت اكسر اغراضها واخليهه بجنط البنات
و اخذ اقلام مستلزمات .. الخ وهم بجنط البنات
والنتيجه !
خلال 6 ايام المديره رجعت غيرت مكانها ورجعتني
اكعد ويه البنات
مااحب ان اعود طفل مرة اخرى
لان وكتها ح ترجع امي تعيش نفس الوضع الصعب
ونفس المسؤوليه الصعبه بتربيتي
كنت صاحب قراري وأمي ربتني على هذا الشي
وجهتني للطريق الصحيح وعرفتني الصح من الخطأ
واني صاحب القرار اروح لأي طريق وأتحمل نتيجة قراري
أذكر اكثر من مشكلة صارت بهاي المرحله
لكن لو ذكرتها كلها ما راح نخلص
أكتفي بوحده فقط
بسنة الـ 2006
أول ما انطلقت شرارة الطائفيه بالعراق والاغتيالات .. الخ
رحت لشخص مسؤول قريب عني
وطلعت لنفسي هوية أحوال مدنيه ثانيه
صار عندي هويتين بأسمين بمكانين
والي من جيلي يفهم قصدي شنو
كل منطقه ادخل الها كنت اشيل ويايه هويه معينه
المشكلة مره نسيت الهويتين ويايه
ودخلنه سيطرة معينه ..
لمن رادو الهويه بالغلط طلعت الهويتين
والنتيجه كانت اني صعدت بصندوق السيارة
كـــ ضيف يعني
هههههههههه
لكن الحمد لله بعدها بفترة أنحلت المشكله
ورب العالمين عداها على خير
بالنسبه لمعاكسة بنت الجيران
بهذا العمر وهاي الفتره كلنا مرينه باحداث متنوعه
ف اكو الي عاكستهم واكو الي عاكسوني
مواقف الحب في هذه المرحلة
نعم مريت
هواياتي كانت
الزخرفة على الزجاج ما اعرف ليش تعلقت بيها كلش
والالعاب
كرة قدم
كرة سلة
منضده
سباحه
ركض
والعاب الكترونيه
وكنت متعمق بهاي الرياضات بحيث كنت اسافر علمودها
محافظات حتى امارسها
مرحلة الشباب
بالنسبه الي نفسيا
عكس مرحلة المراهقه وقريبه نسبيا من مرحلة الطفوله
بحيث رجعت ابعد نفسي عن اي صديق
او شخص مقرب او اهل
مرحلة صعبة معقدة حساسه جدا
وأي شخص من جيلي على الاغلب
نفس الشعور حيكون عنده من هاي المرحلة
لكن الشيء المميز بيها
مرحلة الشباب تصنع منك رجل
مرحلة الشباب تصنع منج إمرآة
التعليم
ممممم
اول اختيار كان اجباري وبعد ما كملته
صارت عندي الحرية للاختيار من جديد
والاختيار الثاني كان ضمن طموحاتي
عندي
بكالوريوس
اداب انكليزي
بكالوريوس
تقنية
قسم الكترونيات
شهادة عمل وممارسة بترجمة اللغه
التركيه + الأنكليزيه
وحاليا د امشي بالماستر ان شاء الله
كان حلمي الأكبر
ان اكون
مصور حربي
لكن معوقات كثيرة وكفت بوجهي وما كدرت ادخل هالمجال
نظرتي للمستقبل
عادي
اغلب ردي على هالسؤال
ليش تفاؤل وانت عايش بحياة صعبه وجيل اصعب
ومجتمع مريض
وليش نظره سلبية
وانت عايش تحت سقف رب كبير وانت ما ظالم احد
نظره عاديه كيفما تكون الايام راح نعيشها حلوه او مره
موضوع الطبخ
الأكل بشكل عام بالنسبه الي فن
ما اكل لان جوعان
اكل لان معجب بالاكل واكو علاقة حب بيني وبينه
اعرف اطبخ خفايف اشياء بسيطه
لكن الاكلات المعقده
عندي تميز وفن بطريقة اكلها
اكلها فقط
الأكلات الشرقيه هي الي احبها
جربت كثير مطابخ شرقيه وعالميه
ماكو مثيل للاكل العربي
من طرق طبخ السمك
او اللحوم
او الدجاج
او
او
كثيره ما تنعد
من كان عمري 6 او على الاقل هذا العمر الي اذكره
اني اختيار ملبسي
ومحد اله الحق انو يتدخل بهالشي
الالوان
احب الالوان الهادئه لان اللون او الملبس
ما راح يحدد انت شنو
بالعكس
كلما تلبس شيء او لون هادئ كلما الي يشوفك
يتعمق بيك ك شخص
بعيدا عن لبسك
كل محافظات العراق زرتها
الا محافظة وحده
المثنى
الوحيده ما زرتها
احلى محافظات هي الي تملك عراقه وعمق
بالنسبه الي
محافظة البصرة
ممكن لأن اني جزء منها حتى لو كلي منها
البصرة اعرق واعمق محافظة عراقيه
رغم حاليا الغواش الي بيها والعشوائيه الي على سطحها
لكن العمق البصري
عظيـــم وكلمة عظيم قليله بحقه
بغداد
تربيت بيها اغلب وقت وكبرت ووو
ذكريات بيها
اصحاب
احباب
كل فرحه وكل حزن
شفته ببغداد
ف رفيق دائم هو تذكار بغداد
بالحلوه والمره
ما راح اكدر اكمل كل المحافظات لان كلهم سكنت بيهم
وكلهم عشت ويه ناس بيهم
لكن البصره وبغداد
الهم المقدار الاكبر من خبرتي بالحياة
الدول العربيه الي زرتها
الأردن
سوريا
مصر
لبنان
قطر
الكويت
الدول الأجنبيه
تركيا
المانيا
السويد
كندا
بريطانيا
كيف تعرفت على منتديات فخامه العراق
اتمنى هالسؤال ما يزعل أحد مني
اني بعالم المنتديات من 2007
كنت بمنتدى كبير وكبير جدا
اكبر منتدى عراقي عربي كان
وكم عضو وعضوه من هنا كانو معاي بهذاك المنتدى
وصلنا مرتبات عاليه
لقاء مع فنانين عراقيين وعرب
صممت بوسترات لبعض الالبومات العراقيه
على التواصل الاجتماعي
ولقاءات الكترونيه
مع
هيثم يوسف
محمد الفارس
رحمة رياض
بعد 2012
صارت احداث بالمنتدى سوت تفرقه بين الاعضاء
وبدت الاعضاء تنفر
وقتها
( عاشق من الزمن الجميل )
صاحب هذا الموضوع سامي العزيز
دعاني لهذا المنتدى
ولمن دخلت
شفت
مع كل الاحترام ..
اكثر من موضوع بمجهودي الشخصي
منقوله هنا ومنسوبه لأصحاب المواضيع
طبعا الكل تواصلت معاهم ورجعت حقي منهم
وبعدها سجلت بالمنتدى
ماهو رأيك ببرنامج هذه حياتي وهل عندك مفترحات لتطويره
مثل ردي عليك بـ 2013 يمكن ؟
انت مبدع وكل شيء يطلع منك بي نسمة أبداع
ان كانت كبيره او صغيره
طالما اكو نفس يطلع اكو امنيات معاه
شاعري المفضل
عريان السيد خلف الله يرحمه
الوحيد الي كنت اسمعه
نجمي المفضل عراقيا وعربيا وعالميا
عراقيا
محد يسوى
من كاظم او هيثم او حاتم
مع كل الاحترام لان هواي ح يزعلون
ههههههههه
عربيا
عبدالله الرويشد
تامر حسني
شيرين
ممكن اي واحد هسه يكول كاظم مثلآ اكبر من هذولي
ردي بسيط
قبل كل شيء هي وجهات نظر
وبعد كل شيء كل فنان من ال3 الي حبيتهم
بيهم شي يلمسني
الحكمه الي اؤمن بها
ما راح اكتب حكمة مقتبسه او جاهزه
حكمتي اني اختاريتها من داخلي
عيش لنفسك .. لا تعيش لغيرك
لان غيرك اذا عاش لنفسه ح تكون عايش
من اجل وهم فراغ لا اكثر
بيها تفاصيل هواي هالحكمه ماكو داعي نتعمق بيها
اتمنى تكون واضحه
رمضان عندي
الشهر الي ارجع يم امي بي
الي اعيش ويه امي بي
ف كل رمضان بالنسبه الي سعادة
وراحة
واحساس بالأمان والطفوله والبساطه من جديد
أرجوا من الجميع
عيشوا ببساطه
ما راح ادخل بحياتكم
قصدي بالمنتدى
لا تفكرون هذا مشاركاته شكد ؟
هذا لونه شنو ؟
هذا يزور منو؟
هذا يراسل منو ؟
دخلو للمنتدى
حتى تقضون وقت حلو
حتى تعدي عليكم مواضيع تضحكون بيها
مواضيع تطلع عواطفكم بيها
مواضيع تخليكم تتواصلون مع اعضاء تحبوهم ويحبوكم
المحبه بين الاعضاء حلوه
ماكو داعي اي محبه تحوروها لشيء مقرف
ماكو داعي للحقد
كلنا اعضاء هنا ولد وبنات ناس وعوائل اهلنا ربونا
لحد يحجي بظهر الثاني
تكرهني ! كولها بوجهي ماكو بشر الناس كلها تحبه
لكن لا تصير منافق وبوجهين
أو عضويتين
اتمنى ما صار الموضوع طويل
ولا فتت بمتاهات وكلام زايد
الي يعرفني زين اتمنى نظرته عني تعمقت وكبرت
والي ما يعرفوني زين اتمنى هسه توضحت عدكم
رؤيه ايجابيه عني
.. حياكم الله ..
عمر
الي اللقاء في حلقه جديده وضيفه