تعال امسح ادموعك وارسم افراح

[آهاات حالمة]

تعال امسح ادموعك وارسم افراح​

على اعيونك وخدك والشفايف​

​

ومعليك بحزن ذيج المواضيع ​

وراح اختارلك احلا السوالف​

واعرفني وبعد لا تعرف الناس​

وانه وياك انساها الطوايف​

​

ومعلينه بعد بالرايح وجاي​

ومعلينه ولو بس ابقه خايف​

​

اخاف اعليك من عين اليحسدوك​

ومن اعيون تجار العواطف​

​

والتفخيخي خايف لا يمر بيك​

وخايف لا تمر بحزام ناسف​

يا بو اشراع الترف يمهجج الريح​

اضمك وين من عين العواصف​

تعال بروحي ابدلك شلي بالروح ​

اجازف بيه وبيك وما اجازف​

اشكد شايف عشك واحبابنه هواي​

بس مثلك عشك صدك مشايف​

درب تفكيري كثره البيه يمرون ​

ولكيتك بالدرب بس انت واكف​

​

​

وشغلت الفكر كله وصرت موضوع ​

وانت بهل الامر ما انته عارف​

​

وكلت لل روح احبك والكلب كال​

ما كو اشكال عدنه وما يخالف​

​

وانه الصادك بحبك واحلفت بيك ​

بطولك بالوجه بالعشك حالف​

​

وميلادك محبتك صارت اليوم​

يضل كل يوم ميلادك يصادف​

​

يابو نضرة التكتل انت معذور​

اذا تكتل بشر لتكول اسف​

سر بيك وعجيب وثكلك البيك ​

عليك من الجمال هواي ضايف​

نهر حسنك يروي اوجوه الاحزان ​

خذن منه اشكثر ما صار ناشف​

الغبشه عيون وجهك طلعتك خير ​

المشرق شوفتك والوكت كاشف​

​

لحن صوتك لحن كل العصافير​

وميعزفه ابد هيهات عازف​

​

وجرح البيك جن جرح الرياحين ​

كل ما تنلجم بالعطر نازف​

وكلبك طين حري وشيمته الكاع ​

وشايل طيب كل ذيج الصرايف​

ومثل كلبك كلبنه وشوفنه اشلون​

نضحي بكلشي الك لمن نوالف​

​

الشاعر جبار رشيد​

 

[المشتاق]

رد: تعال امسح ادموعك وارسم افراح

أبنتي المبدعة
آآهآآت حآلمــــــــــــــــه

سلمت يدآكِ لهذه اللوحة الرآئعة
والقلآدة الجميلة
ذآت الإطآر السآحر
{{ تعآل أمسح أدموعك وأرسم أفرآح }}
إختيآر موفق

دآم لنا فيض العطآء
وللمزيد مِن الإبدآع والفن
تحيآتي
مع بآقة ورد
​

 

[آهاات حالمة]

رد: تعال امسح ادموعك وارسم افراح

 

[رمااد اانسان]

رد: تعال امسح ادموعك وارسم افراح

رؤؤؤؤؤؤؤؤؤؤؤؤؤؤؤعه يسلموووووووووووو

 

[آهاات حالمة]

رد: تعال امسح ادموعك وارسم افراح

شكرا لمرورك العطر
نورت الموضوع
ارق التحايا لك ​