تغيرنه

[‏أعہشہقہ أنہفہاسہكہ]

تغيرنه

تغيرنه وتبدل طبع الاحباب
ورق اشجار صرنه وبلهوه انطيح
عين بكاع جنه وننضح اشواك
وهسه احنه سفينه بلا ملاليح
اذا مات النبض شصيح الكلوب
مثل غركان ناشد عل السوابيح
هياكل فارغه وعافتنه الارواح
الوكت عيد وعليه شحت مراجيح
كتلك جيب كلبك عوفه وياي
المن عفته باقي بنوحه ويصيح
مثل طفل بنهر عايفته الاحضان
فتحة ريج لحلوك التماسيح


انه صبري تعب من قحط السنين
وتنشدني عليه وكلت مامات
جاي تعيدني من كومة رماد
وترجع عمر دافنته حسرات
حمام الكب جان بحبك ايطير
عليمن ذبحت روس الحمامات
وكتك عصر اظلم واني تاريخ
سواني الزمن عبرة روايات
يلم اجروح صبري بصمه جكليت
ويطشهه بفرح تنزل عتابات



وبير الجرح صاير ميه الفراك
ذبل عطشان عمري بحبك الفات
واني وياك صرنه الشمس والليل
كلما نقترب نبعد مسافات


نتلاكه بدرب بلصدفه مرات
ميته كلوبنه بدكاتهه اتصير
طيور اثنينه ولهفتنه جنحان
هسه اتكصصن مانكدر انطير
معقوله الجمعنه ايصير خطار؟
معقوله الظلام اينشف البير!
صفينه اجروح شجره ونزفن اوراق
خلانه العطش لكمة مناشير
احنه بأمل ميت شوفهه مذبوح
أنتاني بمطر جيت عصافير
أنتاني بمطر جيت عصافير


منقول​

 

[آهاات حالمة]

رد: تغيرنه

سلمت يدآكِ ع الانتقاء المميز
الله يعطيكِ العافية
ودي

 

[‏أعہشہقہ أنہفہاسہكہ]

رد: تغيرنه

كل الشكر لتواجدكم الراااائع ربي ما يحرمني طلتكم الرائعة

 

[MS.Shaghaf]

رد: تغيرنه

راقت لي الكلمات من أول عنقود لآخره



دمتم في حمى الرحمن



تقبلوا وافر أحتراماتي

 

[قيصر الحب]

رد: تغيرنه

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحكـ

 

[‏أعہشہقہ أنہفہاسہكہ]

رد: تغيرنه

كل الشكر لتواجدكم الراااائع ربي ما يحرمني طلتكم الرائعة

 

[فتنةة العصر]

رد: تغيرنه

تسلمون وايد عالمجهود
الطيب والإبداع
الله يخليكم وايد

 

[‏أعہشہقہ أنہفہاسہكہ]

رد: تغيرنه

كل الشكر لتواجدكم الراااائع ربي ما يحرمني طلتكم الرائعة