مشاهدة المرفق 17017
ورگة حسن مشدودة برگبتك
وانته صم جگليت شفتك
طش زهرك كله عله ابساتيني
ينبگلي عطر ويفوح بميشيتك
يا واهس ما مرني مثله واهس
ويا عشگ يحله شما تعله رضاتك
أدري ضيعت بيك عشگ ما ينعاد
وأدري زين ادري محد يلوح شاماتك
كساع امر بگهوتنه القديمة وأسمع
ممكن نختلف.. واشوغ بطارف حلاتك
وجم ليل گرب اهدابه علي حيل يبچي
وشكثر وكحيت اعيوني بس بچتك
يا ترف وحگ عيناك والخرزات
تتلون أيام ، وتنطفي لو اذكر فارگيتك
تحچيلي الفناجين والگهوة العتيجة جان هنا
گبل ساعة لو امس ، وانه انطر ساعاتك
شحلف وعمري وياك ورگة مخضره
بتيجان الورد.وانته حيل مزهر ابساتينك
ماعرفتك ، شكثر لملمتنه الليالي بعشگ
چن روحي زفة اورود مشدودة بعباتك
بس هاي تالي الي يفارگ طيب وورد
يموت بلا جناز ولا گبر وينطر احد
ما يجيه.. وبنص موته يريدك
تنگط الماي بيدك..
02/09/2021
العـ عقيل ـراقي
التعديل الأخير:
