تين العجم
واضح بعد مايحتاج تتعذر
من نشفت الشفة ولونها اتغير
من ثلج البديك يصل صليل وداع
والحجي السلس بلسانك اتعثر
من ظلمة عيونك والشمس رمحين
جلجل ليلهن واتحزمن بالشر
من رجفة جفوفك والبرد بالكيض
علامة كلب صاح الصاحبه اتنكر
يامثنى الخواصر والحمول اثكال
وحمولك عفه اعله الخصر تتبطر
ياحايل ثمر من الجدم للراس
كل حايل ثمر معذور من يغتر
ياهمزة وصل سبحان من سواك
والخله الظبي اعله النمر يتنمر
يالكلك ترف وشصار هالطغيان
ربك فوك كل جبار يتجبر
ياتين العجم ياطعم خمرة دير
تسكيني ابكرم وتلومني من اسكر
من تدلع غنج عندك عذر مقبول
رمانك لحك والزيج ماينزر
وبعيونك غريب الخوف
آه واوف......آه واوف
ليله اختلط بيها البوح والأسرار
وانطبكن سويه الفرح ويه الخوف
ليله بلا وجل والعمر بآخر شوط
ودنيه مسودنه وحنه اعله جفها اضيوف
سدت بابها اعله اهل الكلت والكال
واطتنه البخت عالحجي المامكشوف
يمخالط رفيفك وي رفيف هواك
تسري ابنبض روحي ابراحتك وتطوف
زف حافي الجدم واتنكل ابممشاك
من طبع الحمام اعله الحمام يزف
آه واوف
يمسلط عليه امشرعات البين
لاتطلك ردف ومتيمك مجتوف
ضنيتك هدي وفيض الوكت راويك
لنّك عطش دنيا وللورد ملهوف
لاح السهر عينك والجفن سكران
ورموشك عرايس والكحل زافوف
يامحيي الهرش بأول نثاثة كيض
اثني بفيض زخه وفيض ود وشوف
حتى انثر حياتي كوام جيل ابجيل
واتخير امهنا شتاخذ وشتعوف
كلبك دره بروحي الماعرف يختار
اختار الكباحه وضيع المعروف
يالآهك بطر بيها الغنج مرسوم
وآنه العمر جبته ابين آه واوف
من تهمس تجيس الليل غفوة ليل
واصفوف النجوم بلا مجره اتطوف
حتى الكمر يخدر والنسيم ايطيب
وتلالي الثريا بطية النفنوف
يمعود وحكك من تريد اتعيل
دنيا بحالها توكف اصفوف اصفوف
ياصفحة غزل ياحيرتي من أقراك
والكه آخر سطر من عشرتك محذوف
طش بيدي الخرز واحزر بيا ميحان
تاخذني الحواجب هدر موت اسيوف
الشاعر الشعبي الكبير
المرحوم عريان السيد خلف
واضح بعد مايحتاج تتعذر
من نشفت الشفة ولونها اتغير
من ثلج البديك يصل صليل وداع
والحجي السلس بلسانك اتعثر
من ظلمة عيونك والشمس رمحين
جلجل ليلهن واتحزمن بالشر
من رجفة جفوفك والبرد بالكيض
علامة كلب صاح الصاحبه اتنكر
يامثنى الخواصر والحمول اثكال
وحمولك عفه اعله الخصر تتبطر
ياحايل ثمر من الجدم للراس
كل حايل ثمر معذور من يغتر
ياهمزة وصل سبحان من سواك
والخله الظبي اعله النمر يتنمر
يالكلك ترف وشصار هالطغيان
ربك فوك كل جبار يتجبر
ياتين العجم ياطعم خمرة دير
تسكيني ابكرم وتلومني من اسكر
من تدلع غنج عندك عذر مقبول
رمانك لحك والزيج ماينزر
وبعيونك غريب الخوف
آه واوف......آه واوف
ليله اختلط بيها البوح والأسرار
وانطبكن سويه الفرح ويه الخوف
ليله بلا وجل والعمر بآخر شوط
ودنيه مسودنه وحنه اعله جفها اضيوف
سدت بابها اعله اهل الكلت والكال
واطتنه البخت عالحجي المامكشوف
يمخالط رفيفك وي رفيف هواك
تسري ابنبض روحي ابراحتك وتطوف
زف حافي الجدم واتنكل ابممشاك
من طبع الحمام اعله الحمام يزف
آه واوف
يمسلط عليه امشرعات البين
لاتطلك ردف ومتيمك مجتوف
ضنيتك هدي وفيض الوكت راويك
لنّك عطش دنيا وللورد ملهوف
لاح السهر عينك والجفن سكران
ورموشك عرايس والكحل زافوف
يامحيي الهرش بأول نثاثة كيض
اثني بفيض زخه وفيض ود وشوف
حتى انثر حياتي كوام جيل ابجيل
واتخير امهنا شتاخذ وشتعوف
كلبك دره بروحي الماعرف يختار
اختار الكباحه وضيع المعروف
يالآهك بطر بيها الغنج مرسوم
وآنه العمر جبته ابين آه واوف
من تهمس تجيس الليل غفوة ليل
واصفوف النجوم بلا مجره اتطوف
حتى الكمر يخدر والنسيم ايطيب
وتلالي الثريا بطية النفنوف
يمعود وحكك من تريد اتعيل
دنيا بحالها توكف اصفوف اصفوف
ياصفحة غزل ياحيرتي من أقراك
والكه آخر سطر من عشرتك محذوف
طش بيدي الخرز واحزر بيا ميحان
تاخذني الحواجب هدر موت اسيوف
الشاعر الشعبي الكبير
المرحوم عريان السيد خلف
