جدايه شويش

[رمااد اانسان]

قصة مثل :-
شويش رجال من البادية ساكن بيت شعر وعنده جداية ازغار ورابطهن بالربج ( الربج حبل فيه عدة حلقات وفي كل حلقة يوضع رأس الخروف او الجدي )
اجه شويش شاف الجدايه مهدوه وصاعدات على بيت الشعر حاول بكل طريقة ينزلهن ما گدر كل ما يلوف من جهه يروحن للجهه الثانيه وبيت الشعر ما يتحمل شخص يصعد عليه ،
المهم بعد ما عجز ينزلهن وتعب رجع للربج باقي بي جدي مربوط اخذله خيزرانه زينه وطاح بي دگ التمت الناس عليه يمعود خطيه شنو ذنبه هذا المسكين گال ( هذا المربوط لو اهده يسوي انگس من المهدود ) فصار مثل
( جدايه شويش المربوط انگس من المهدود ) .
ورباط السالفه يمكم ..