أبشرك خلصو مابقوا عندي هواي
كل المشتريهم رخصوا بيه !
أصافحهم وأحس باطراف ايديهم غيض
كاتل منهم ومادافع الديه
بسد بوساتهم دفنوا شكد أنياب
وكول يجوز جانت عن حسن نيه
ويمر طاريي ويذكرولي الشينات
وحس الغيبه تنوكل نيهً
وأنه الجنت واكف بالاستعداد
من أسمع عزيز يفوت طاريه
حسبالي العدد بي ثمره من يزود
وعن قلة الواحد تفرق الميه
بس تالي الوكت ادركت طين
الگلب أصناف والعشره الطويله اتريد نوعيه
على كلآ عشت !
ماخذت بس أنطيت وي ليل المجازه الما شفت ضيهَ
وينه وين الكاه الجان بيه يبيع
وينه ألانه منطي من هوى الريه
والزم جفني خاف من أرمش يزعلون وأتناسه الحجايه الابذني محجيه
ومن الكالي حگ عد محب ماداعيه*
أكو حگ برجعته يعيب راعيه
عرفتلها وكمت مازاعل اليرحون
ولا عل الباب اظل أمتاني ليليه
الناس اختلفت وظهرك اتجيه وين أذا ماتلكه حايط
تكعد أفيه*
حتى جروحي أخذتها من عدهم شوگ ابد ماحسستهم بيها منيه
من سئلوني ؟ صح انطوك أجروح لا كتله الشماته انطوني عيديه
شايف الطعنه من تجيك من احباب
هيج أجروحك اتحس بيها روحيه*
اتصور تبتدي تشتاك للجتال أذا جف الي تطعنك بيها حنيه
المهم ....
عاذرهم وكل البقن سهلات أنه
الجرف اليسامح روج
كل المشتريهم رخصوا بيه !
أصافحهم وأحس باطراف ايديهم غيض
كاتل منهم ومادافع الديه
بسد بوساتهم دفنوا شكد أنياب
وكول يجوز جانت عن حسن نيه
ويمر طاريي ويذكرولي الشينات
وحس الغيبه تنوكل نيهً
وأنه الجنت واكف بالاستعداد
من أسمع عزيز يفوت طاريه
حسبالي العدد بي ثمره من يزود
وعن قلة الواحد تفرق الميه
بس تالي الوكت ادركت طين
الگلب أصناف والعشره الطويله اتريد نوعيه
على كلآ عشت !
ماخذت بس أنطيت وي ليل المجازه الما شفت ضيهَ
وينه وين الكاه الجان بيه يبيع
وينه ألانه منطي من هوى الريه
والزم جفني خاف من أرمش يزعلون وأتناسه الحجايه الابذني محجيه
ومن الكالي حگ عد محب ماداعيه*
أكو حگ برجعته يعيب راعيه
عرفتلها وكمت مازاعل اليرحون
ولا عل الباب اظل أمتاني ليليه
الناس اختلفت وظهرك اتجيه وين أذا ماتلكه حايط
تكعد أفيه*
حتى جروحي أخذتها من عدهم شوگ ابد ماحسستهم بيها منيه
من سئلوني ؟ صح انطوك أجروح لا كتله الشماته انطوني عيديه
شايف الطعنه من تجيك من احباب
هيج أجروحك اتحس بيها روحيه*
اتصور تبتدي تشتاك للجتال أذا جف الي تطعنك بيها حنيه
المهم ....
عاذرهم وكل البقن سهلات أنه
الجرف اليسامح روج
