حادثة حقيقية ..
بالثمانينات كانت هناك بعثات دراسية بعد مرحلة السادس الإعدادي للدراسة في الجامعات الأوربية والي يرسب بالسنة الاولى والثانية يرجع للعراق يكمل بالجامعات العراقية .. احنه جنه بجامعة صلاح الدين وكلية القانون والهندسة بنفس المجمع وفي سنة ١٩٨٧ اجتنه مجموعة حلوة هذا الي جاي من رومانيا وهذا من بلغاريا وهذا من ألمانيا وهواي طلاب راسبين هناك ... واحد من اخوتنه الطلاب جان برومانيا ويسولف ( والعهدة على الراوي ) يكول اني من وصلت لرومانيا وقدمت اوراقي للجامعة طلبوا مني معلومات ومن ضمنه مهنة الأب ..وإني أبوي عنده عربانه يجره مطي يبيع بيه نفط فاضطريت اكتب مهنة الأب ( بائع نفط ) وقدمت الأوراق ،،، ثاني يوم ومن الصبح تم استدعائي من قبل رئيس الجامعة وعلى وجه السرعة يكول اني ارتبكت وكلت ( خرب حظي ) هاي استدعوني علمود أبوي يبيع نفط بعربانه ام المطي .. المهم يكول اني رحت لمبنى رئيس الجامعة ولكيت الرئاسة واكفه على تك رجل مثل ما يكولون ومنتظرين جيتي والوجوه تضحك واستقبال مو طبيعي ورئيس الجامعة منتظرني خارج غرفته.. وبدا بالترحيب والثناء على العراق وعلى رجال الاعمال هناك وخاصة الذين يمتهنون مهنة بيع النفط ..وعن آلية تبرع اصحاب الأموال في العالم الى جامعته وانهى اللقاء بدعوتي الى العشاء مع اساتذة الجامعة وعلى شرفي .. يكول اني افتهمت السالفة عبالهم أبوي يمتلك بئر للنفط .. شو عجبتني السالفة .. ورحت للدعوة وإني اخر شياكة ( بالدِّين طبعا ) وضليت اسولف على إنجازات أبوي ومشاريعه وتبرعاته الخيرية .. وضليت على هاي السالفة جم شهر .. وبعد هاي الفترة شو الوجوه مو مثل كبل ..وعرفت الجماعة عرفوا سالفتي ومقررين يرسبوني حتى ارجع للعراق .. والحمد لله رجعتلكم وراح اخلص كلية وأروح للجبهة ..
رباط سالفتنه .. جنه كبل نتصور المعارضة ورجالاته كلهم دكاترة ويفتهمون ونتصور بس يسقط صدام راح نصير احلى من فرنسا .. طلعوا كلهم يبيعون نفط بعربانه ام المطي محد عنده بير !!!!
بالثمانينات كانت هناك بعثات دراسية بعد مرحلة السادس الإعدادي للدراسة في الجامعات الأوربية والي يرسب بالسنة الاولى والثانية يرجع للعراق يكمل بالجامعات العراقية .. احنه جنه بجامعة صلاح الدين وكلية القانون والهندسة بنفس المجمع وفي سنة ١٩٨٧ اجتنه مجموعة حلوة هذا الي جاي من رومانيا وهذا من بلغاريا وهذا من ألمانيا وهواي طلاب راسبين هناك ... واحد من اخوتنه الطلاب جان برومانيا ويسولف ( والعهدة على الراوي ) يكول اني من وصلت لرومانيا وقدمت اوراقي للجامعة طلبوا مني معلومات ومن ضمنه مهنة الأب ..وإني أبوي عنده عربانه يجره مطي يبيع بيه نفط فاضطريت اكتب مهنة الأب ( بائع نفط ) وقدمت الأوراق ،،، ثاني يوم ومن الصبح تم استدعائي من قبل رئيس الجامعة وعلى وجه السرعة يكول اني ارتبكت وكلت ( خرب حظي ) هاي استدعوني علمود أبوي يبيع نفط بعربانه ام المطي .. المهم يكول اني رحت لمبنى رئيس الجامعة ولكيت الرئاسة واكفه على تك رجل مثل ما يكولون ومنتظرين جيتي والوجوه تضحك واستقبال مو طبيعي ورئيس الجامعة منتظرني خارج غرفته.. وبدا بالترحيب والثناء على العراق وعلى رجال الاعمال هناك وخاصة الذين يمتهنون مهنة بيع النفط ..وعن آلية تبرع اصحاب الأموال في العالم الى جامعته وانهى اللقاء بدعوتي الى العشاء مع اساتذة الجامعة وعلى شرفي .. يكول اني افتهمت السالفة عبالهم أبوي يمتلك بئر للنفط .. شو عجبتني السالفة .. ورحت للدعوة وإني اخر شياكة ( بالدِّين طبعا ) وضليت اسولف على إنجازات أبوي ومشاريعه وتبرعاته الخيرية .. وضليت على هاي السالفة جم شهر .. وبعد هاي الفترة شو الوجوه مو مثل كبل ..وعرفت الجماعة عرفوا سالفتي ومقررين يرسبوني حتى ارجع للعراق .. والحمد لله رجعتلكم وراح اخلص كلية وأروح للجبهة ..
رباط سالفتنه .. جنه كبل نتصور المعارضة ورجالاته كلهم دكاترة ويفتهمون ونتصور بس يسقط صدام راح نصير احلى من فرنسا .. طلعوا كلهم يبيعون نفط بعربانه ام المطي محد عنده بير !!!!
