حاول لا تنزل دمعة عيونك
اذا گلك الشامت بشر شلونك
من تباوع حمولك ناقصات متون
وتصد تلگه البظهرك بدو يجزونك
من يوشل جليب ربيعتك وطيح
من ما تلگه وادم توگف بعونك
لا تهتم جفوك الهوه يطير خفاف
شراح يروح منك كون يجفونك
الزلم مثل العلگ لو بيد وحده تعيش
لم روحك بروحك من يطشرونك
وعدل لتخلي طبعك صير شص اتصيد
اذا تبنيها عدله اتعب امتونك
اليدور خوش صاحب گله عابس مات
مسلم لا تصير ومحد يخونك
