حزني ابوقه والحانه

[قلب شجاع]

ومعذوره الاخوه تروح زعلانه
ومعذور الوكت وشما عمل بالروح
ولاذكره بعتب جي عكس ويانه
جنت ازرع وفه متنطر احصد طيب
اثاريه مايخضر بور كيعانه
وعلى كد ماضماير ربعي خلصت موت
حضرنه الجفن ونريد دفانه
واخذت من الزمن عبره واخذت احكام
ماقيس البشر باقواله ولسانه
بس وكت النفاهه اتعنه شاف الحال
ومن مال الوكت لاوصل لاجانه
وفرشت الروح لجله وانكلبت ورود
ومن ردلي الجميل بشوك مشانه
وجنت لو مسه ضيج وعله مرت بي
ما اطبك جفن والليل سهرانه
وصغتله الروح فرحه بيوم احسه اغتاض
ويجيني بيوم حزني ابوقه والحانه
وصرت شجره على موده حته افيي علي
وجبل عالي صرت ماتهتز اركانه
واعلمنه الرمايه من الصبح لليل
وعلي لمن تعلم هدهه نيرانه
على شماتي كبل مايظبط النيشان
بس بنص دليلي يجيب نيشانه
اريد اعدلهه تالي وارجه منها الخير
وهيه من ذاك اليوم ولسه خربانه
عفت طار ي الصداقه ورفكة الاصحاب
وجلمة (هذا اخويه) بحلكي خجلانه
بعد راح اني اصادق روحي ومشي وياي
وانه يكود بيه ونمشي وي انه ​

 

[‏أعہشہقہ أنہفہاسہكہ]

رد: حزني ابوقه والحانه

إبداع وذوق سلمت أناملك ع الطرح الرآيق والجميل ماننحرم ونترقب ونتابع جديدك

 

[المشتاق]

رد: حزني ابوقه والحانه

بسم الله الرحمن الرحيم

أخي الكريم أحمــــــــــــــــــدالعرآقي
سلمت يدآك للوحة الجميلة والرآئعة
{{{{{ حزني أبوقه وألحآنه }}}}}
دآم لنا فيض العطآء
وللمزيد منَ كل جديد
تحيآتي ودعآئي
دمت موفق

​