حسين ثاري وعنه ما تلهيني..... الشهيد رحيم المالكي

[Banned *]

لا تلوم العين وتنشف الدموع
اشضارك لو دمع صبت عيني
لو تعرف اسباب نوحي وليش انوح
چا صرت عبره و تجي يبجيني
انته ما عندك جرح تبجي عليه
اوين تلكه حسين مثل احسيني
كون مثل حسين عندك دليني بيه
وين هذا حسينكم دليني
حسين من دمه وضع للدين اساس
وحاولت ربعك تهدم ديني
وهيه لو ما كربله اوكفت حسين
انته مدري ليا شمر تهديني
انا مو بيدي اذا اذكر حسين
هيه تركض للصدر جفيني
حسين ثار الله ومحمد وصه بيه
وعن وصيته النبي ما يعفيني
احسين ثاره وحشا وينسه ثار
وعن قريب الصوت اله يناديني
تريد تلهيني واكلك مستحيل
حسين ثاري وعنه ما تلهيني
ممكن اتهدمني بس يبقه الاساس
شما يمر عاشور هم يبنيني
الف وتلثميت عام وانه هاذ
وعجزت اسيوف الظلم تثنيني
اشكثر جم حجاج مرو بالزمان
وحاولت كبلك دول تمحيني
انه سچت شرف و جروفي كزاز
ياجدم حافي الكدر يمشيني

 

[فارسے سبشلے]

رد: حسين ثاري وعنه ما تلهيني..... الشهيد رحيم المالكي

عاااااشت ايدك حبيبي

 

[مختلف عنهم]

رد: حسين ثاري وعنه ما تلهيني..... الشهيد رحيم المالكي

دين الاسلام يدعو للتسامح
ورسولنا الكريم يدعو للعفو والمودة بين الناس
وليس للثارات التي ليس لها اساس
واكولك ...
حسينة بجنة رب العالمين كاعد كعود
ويم عرش الرحمن عايش وية نبينة
حسينة ما يدور ثارات ولطم صدور
حسينة بالجنة تبشر من سنين
واستشهد بارض العراق البيه منيته
لا تضل تدور ثارات وحكوك
روح اخذ حقك من فرس اهدموا دينك
لا بثاراتك تبرر طائفيتك
من فرس دخلوا يمك حد البيت
روح قاتلهم واخذ حقك بيدك
اليثير الطائفية ماله بينة وجود
وعلى نفسك استر وسد باب بيتك

 

[حكاية روح]

رد: حسين ثاري وعنه ما تلهيني..... الشهيد رحيم المالكي

دوم التميز والابداع
تقبل مروري زهرة عراقية