يﻼ حضر دمعتك باجر اروح..
الليله اخر ليله باجـــــــر نفترك..
بحسرة الفركه تفز كل الجروح..
بنار هجرك روحـــي بيه تحترك..
الوان عينك باجر ايطيحن سواد..
والجفون من البجي ايصيرن زرك..
الجان فارك كذلته بمشط الدﻻل..
الفركه مشط اتراب ويحط بالفرك..
الشجره وعيون البشر نفس المصاب
الفركه فاس ويكطع بملكه العرك..
الشبكه مابيها نفس بيها اشتياق..
والحضن مو بيت بس بيت العشك..
الكلبه ينشك بهجر ...خيطه الوصال..
شما تخيط جـــــرحك الفركه تشك..
اكو دمعــــــــه اطيح تحرك بالجفون..
ﻻتقيس ادمــــــــــــوع لوتنزل رشك..
كـــــــون مايبقه هجــــــر محد يروح..
وكون يمي احبابــــــي ماريد افترك..
وكون ما ابقه بطرك روحــــي اعيش..
احبابـــــي يمي اتعيش ماريد الطرك..
وكون مو عشرت فشك كلمن يروح..
اشكد حلو الشاجور لو لم الفشك..
