حلاوة بغداد

[العـ عقيل ـراقي]

مگابلينك چن حضره
وبيها انذورنه
ونشد عله الصوره
علگ بيه اسامينه
يا راحة بال المتيهين
وحلاوة بغداد لمضيفينه
اظن اشفاك قصة
تين مديوف بعسل
وحگ عيناك
تاذينه
ترد روحي الك
تشتاگ
وبعضة الشفاف
تلوينه
يمدندش غنج
ومليان صم عنبر
والطعم ريحانه
اتشلبه على اسطوح الحلم
بهداي اخاف تگعد
بينه الونه
ونجرح اخديدك
بالمعاتب يلرشفتهن
حلم النه
معزتك غاليه
وانته يا ترف
اتلوگ لگلبنه
تعال بكل حلاتك
يا حلاوة بغداد
وبروحي الك
اتعنه


30/05/2021
العـ عقيل ـراقي

 

[مشمشاية]

رد: حلاوة بغداد

أنت مدهش عندما تكتب ..s=115

 

[العـ عقيل ـراقي]

رد: حلاوة بغداد

شكرا لك عزيزتي
كل الاماني
عقيل العراقي

 

[قيصر الحب]

رد : حلاوة بغداد

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[العـ عقيل ـراقي]

رد: حلاوة بغداد

شكرا لحضورك
عزيزي
كل الامنيات
عقيل العراقي

 

[mohammed.shams]

رد: حلاوة بغداد

ابدااااع راقي..
وفي منتهى الروعه والجمااال