حوار مع القلب
انا : - لاتبجي ياكلبي وتلوم انته العفتهم
تركوك هيجي غفل لو انته اتركتهم
ميفيد بعد الندم حاول تنسى الراح
يمكن احسن الك وبعد احسنالهم
القلب :- طبعي حنين ازعل بس ارد ابسرعه
وانسه الجرح والخدش ابكلمه حلوه
عمي تورطنه اشمانريد انبطل عشك
اوووف ياعمي العشك بلوه باثر بلوه
انا :- كافي خرافات عمي يا حب يا عشك
العشك بس بالقصص والافلام موجود
وحب هالوكت بس بالفيس ماكو صدك
ومن توصل للصدوك تلكه انلغت لعهود
القلب :- صح كلامك بس ماتقنعني انتهى الحب
وما اله بهاي الدنيه بمعنى ولا وجود
اكو حب يقتله الخجل او بعض الكبرياء
واكو حب من النظره الاوله ايصير مولود
واكو حب تكشفه بالهمس بنظرات العيون
واكو حب صريح وجريئ يتحده الوجود
انا :- كتلك انته عايش بعالم خيالي بنص الاحلام
والواقع جدن مرير ومو سهل بيه الكلام
الحب هسه للعنده فلس وقصور وسياره
موالنه كافي تضحك علينه ابهاي الاوهام
القلب :- الحب مو ملك احد صدكني ولا ينشره بالمال
الحب يعني الوفه والاخلاص والرضا بالحال
موشرط نبني قصر ونشتري سياره كامري
المهم نعيش ابكوخ وي المحب مرتاحين البال
صدكني مالوك ابد جوياتي علمتني ادروس
وعلتني التجارب المنحوس منحوس ياخال
وعلمتني الحياة ادوس اعله الالم ونكابر
وما نبين ضعف بينه باي حال من الاحوال
انا :- اووف منك ياكلبي دومك هيج امورطني
بس تريد الصدك كل مره اخالف وتقنعني
مدري اني قليل التجارب مو مثلك حكيم
مدري الحياة صعبه اشكد ردتهه اتفهمني
ليش كلمن احب يختفي بساع والسبب اني ؟؟؟
لو الزمن ابهيج مواقف جدن صعبه خلاني
لو من الاحبهم السبب جان ورادو يتركون
اه منك يازمن هيج بلاسبب اشكثر اذاني
:funny[1]::funny[1]::funny[1]::funny[1]:
انا : - لاتبجي ياكلبي وتلوم انته العفتهم
تركوك هيجي غفل لو انته اتركتهم
ميفيد بعد الندم حاول تنسى الراح
يمكن احسن الك وبعد احسنالهم
القلب :- طبعي حنين ازعل بس ارد ابسرعه
وانسه الجرح والخدش ابكلمه حلوه
عمي تورطنه اشمانريد انبطل عشك
اوووف ياعمي العشك بلوه باثر بلوه
انا :- كافي خرافات عمي يا حب يا عشك
العشك بس بالقصص والافلام موجود
وحب هالوكت بس بالفيس ماكو صدك
ومن توصل للصدوك تلكه انلغت لعهود
القلب :- صح كلامك بس ماتقنعني انتهى الحب
وما اله بهاي الدنيه بمعنى ولا وجود
اكو حب يقتله الخجل او بعض الكبرياء
واكو حب من النظره الاوله ايصير مولود
واكو حب تكشفه بالهمس بنظرات العيون
واكو حب صريح وجريئ يتحده الوجود
انا :- كتلك انته عايش بعالم خيالي بنص الاحلام
والواقع جدن مرير ومو سهل بيه الكلام
الحب هسه للعنده فلس وقصور وسياره
موالنه كافي تضحك علينه ابهاي الاوهام
القلب :- الحب مو ملك احد صدكني ولا ينشره بالمال
الحب يعني الوفه والاخلاص والرضا بالحال
موشرط نبني قصر ونشتري سياره كامري
المهم نعيش ابكوخ وي المحب مرتاحين البال
صدكني مالوك ابد جوياتي علمتني ادروس
وعلتني التجارب المنحوس منحوس ياخال
وعلمتني الحياة ادوس اعله الالم ونكابر
وما نبين ضعف بينه باي حال من الاحوال
انا :- اووف منك ياكلبي دومك هيج امورطني
بس تريد الصدك كل مره اخالف وتقنعني
مدري اني قليل التجارب مو مثلك حكيم
مدري الحياة صعبه اشكد ردتهه اتفهمني
ليش كلمن احب يختفي بساع والسبب اني ؟؟؟
لو الزمن ابهيج مواقف جدن صعبه خلاني
لو من الاحبهم السبب جان ورادو يتركون
اه منك يازمن هيج بلاسبب اشكثر اذاني
:funny[1]::funny[1]::funny[1]::funny[1]:
