خليك ابمكاني وعيشلك يومين
ومثلك كون اصير وجرب العشره
وشوف شلون تخلص عيشة المطلوب
دم واهل المظايف منة تتبره
اقوه من الخمر تأثيرك اعلى الروح
انعد عالسكاره وماضكت كطره
انة وي شوفتك داس اعله جفني الليل
مو بجدامه داس بحافر المهره
يالتنعس كبل لايطلع الخفاش
انه بلياك كاسر خاطر الكمره
بس بالحلوه اشوفك بالفهاوه تروح
وانة مرافكك عالحلوه والمره
انة امن ابجي انشف هدومي مو لخدود
انكع حالي حال الطالع بمطره
وثمرك وينه خاطر بالحصاد اتخاف
نفع مابيك وانا انحاز للشجره
ما اكطع التنبت بيه لو صبير
فلاح واحب السالفه الخضره
الطبر بيدي واكولن خاف عش فوكاي
لو عاشك اتعنه وبيك اخط ذكرى
اعله كد عقلك انطيتك من ردتها احساب
بجف طفله حسبت ايامك المره
وكلت عد السنة ووفيلك وعديت
وخنتني انته كبل ما أوصل العشره
ابالك موش واحد ناس يتمشون
موبس اسمي صاير وجهي متذكره
وجي سنك ذهب تضحك جنت وياي
لان تدري بلمعته تضوج الفقره
وياملكه التهون فشلة المطرود
الطلع من الكلب نفس الطلع بره
اليشرب ماي بير بطبعه يلكه اسرار
وشكض منك لكوك العطشو بصحره
مجتف للخبز بعدين للعباس
الوزعته بثوابه وجيتني بعذره
الخريف اعله الزرع بس يمي مر عالناس
شكد جاملت ناس وجوهم صفره
وانت ولا كلت من دوني وحده يعيش
انه بمحجر عشت وتخيلك بسهره
الشمس شدت رتب لجتافي من تانيت
بمكاني وعدت من اليمنه عاليسره
تمنيتك تجي ولوشخص ثاني وياك
وبيدك كايده هم موقف اعتبره
النسيم العاصفه موفرق عالغركان
نفس رايد يعيشه حتى لو حسره
المات شماتثوب الروحه ميساويك
وي المعتنيله وباجي يم كبره
يابويه التحبه شينكره مكفاه
تحس راح امندينك من يفر خصره
بعيون اليحب الظهر يقره وداع
وانه طولك عمر ماشفت بس ظهره
منا وانتهت مدري انتهت مناك
من صديت شوكي بعينك الحمره
للمبدع ابو فتيان
ومثلك كون اصير وجرب العشره
وشوف شلون تخلص عيشة المطلوب
دم واهل المظايف منة تتبره
اقوه من الخمر تأثيرك اعلى الروح
انعد عالسكاره وماضكت كطره
انة وي شوفتك داس اعله جفني الليل
مو بجدامه داس بحافر المهره
يالتنعس كبل لايطلع الخفاش
انه بلياك كاسر خاطر الكمره
بس بالحلوه اشوفك بالفهاوه تروح
وانة مرافكك عالحلوه والمره
انة امن ابجي انشف هدومي مو لخدود
انكع حالي حال الطالع بمطره
وثمرك وينه خاطر بالحصاد اتخاف
نفع مابيك وانا انحاز للشجره
ما اكطع التنبت بيه لو صبير
فلاح واحب السالفه الخضره
الطبر بيدي واكولن خاف عش فوكاي
لو عاشك اتعنه وبيك اخط ذكرى
اعله كد عقلك انطيتك من ردتها احساب
بجف طفله حسبت ايامك المره
وكلت عد السنة ووفيلك وعديت
وخنتني انته كبل ما أوصل العشره
ابالك موش واحد ناس يتمشون
موبس اسمي صاير وجهي متذكره
وجي سنك ذهب تضحك جنت وياي
لان تدري بلمعته تضوج الفقره
وياملكه التهون فشلة المطرود
الطلع من الكلب نفس الطلع بره
اليشرب ماي بير بطبعه يلكه اسرار
وشكض منك لكوك العطشو بصحره
مجتف للخبز بعدين للعباس
الوزعته بثوابه وجيتني بعذره
الخريف اعله الزرع بس يمي مر عالناس
شكد جاملت ناس وجوهم صفره
وانت ولا كلت من دوني وحده يعيش
انه بمحجر عشت وتخيلك بسهره
الشمس شدت رتب لجتافي من تانيت
بمكاني وعدت من اليمنه عاليسره
تمنيتك تجي ولوشخص ثاني وياك
وبيدك كايده هم موقف اعتبره
النسيم العاصفه موفرق عالغركان
نفس رايد يعيشه حتى لو حسره
المات شماتثوب الروحه ميساويك
وي المعتنيله وباجي يم كبره
يابويه التحبه شينكره مكفاه
تحس راح امندينك من يفر خصره
بعيون اليحب الظهر يقره وداع
وانه طولك عمر ماشفت بس ظهره
منا وانتهت مدري انتهت مناك
من صديت شوكي بعينك الحمره
للمبدع ابو فتيان
