دعلمني اعله بعدك خاطر انساك
دعلمني اعله بعدك خاطر انساك
واسد باب الكَلب من ثاني ورتاح
جنت قافل دليلي وحضرتك جيت
مدري منين جبت الكَلبي مفتاح
اذا مر ليلي دونك ..اكره الليل
واحس سهم الالم بضلوعي متكَنطر
مثل صايم ونـــــــاطر جيتك مآي
ترضى اعله الدمع من تبتعد افطر
واطفي النار بيه وتهده لحظات
وترد جنها الجمر تجويني من تخطر
مثل حــــال اليتيم .. ودمعتي تسيل
واحس بعدك جفوف بوجتني وتسطر
مثل شهكة زغـــــــار وفرحة اعياد
دمر بيها اعله بعدك صابره وتنطر
لهفات الحنين وشوغت الروح
صعب اكدر اوصف لوعتي بأسطر
