دللول ... كريم العراقي ( شعر للعراق خراافي )

[آهاات حالمة]

دللول غالي الوطن يمة ودلول
تفرج يبة .. تفرج يبة شما رادت تطول
من اليمن للبحرين للصين للقاهرة لبيروت للمغرب السودان الجزائر
هبت ملايين الملايين هبت مثل ما هبت الريح
الله يحرسك يا عراق الله يحرسك يا جريح
يلما شفت راحة بحياتك
من فتحت عينك ولليوم فتن و حروب مطوقاتك
يابو المآسي اتوكل و كوم
طايح عقل من رادك تطيح
وانت البحر و الشمس والريح
لليوم ما مات الحسين و لليوم ما مات المسيح
يكولون اغانيكم حزينة
هوة احنة يا عمي اشبدينا
من آدم ولليوم واحنة
دم تمطر الدنيا علينة
كل يوم فايض بينة طوفان
كل يوم غركانة السفينة
توارثنة من نوح السفينة
وفوك الخناجر نمشي حفاي
ونغني عزة نفس بينة
يا ونة الونيتها جمر حراك
ونة مفارك شيبة الفراك
شنهو الجنيناه من ذنب يعراق
يكولون تصفة و اكول الله يصفيها
شفنا الماشافة بشر يا زمان
شايف عراقي سلم من خنجر الاحزان
اتفرهدنا والله و توزعنا على البلدان
وذلكم عزيز النفس لاوين تاليهة
اعطش وبيتي نهر
اعرى وبلادي ذهب
اشحذ واني الملك
انداس واني الغضب
انكاد واني السبع
شعندك بعد يا عجب
ياما نزفنا دما و ياما كتمنا غضب
كل شدة الهة فرج لا تموت لا يا شعب
دمعة على وطن العراق
وماعندي غير الدمعة موقف
مانامت عيوني ولا تنام
مادام وطني الغالي ينزف
وماداموا اطفالة ضحايا
كلبي بحزن زلزال يرجف
هذا العراق الله جمع بيه
رمضان و المنبأ و القداس
طه ويسوع و عرب و اكراد
اديان قوميات اجناس
يابو الحسن يا علي الكرار
يلحمزة يلكاظم يعباس
يابو حنيفة يكيلاني
عائلة وحدة و وطن واحد
ونوم الحبايب راس ضم راس
قل اعوذ و صلينا لوطننا من شر كل وسواس خناس
دلول غالي الوطن يمة و دلول تفرج يبة شما رادت تطول
كريم العراقي
تحياتي​

 

[الشيخ]

رد: دللول ... كريم العراقي ( شعر للعراق خراافي )

ربي احفظ العراق

سلمتي على الطرح وردة

 

[آهاات حالمة]

رد: دللول ... كريم العراقي ( شعر للعراق خراافي )

امين....
اسعدني مرورك شيخنا
نورت الموضوع
تحيتي واحترامي والتقدير لشخصك

 

[سفير التمرد]

رد: دللول ... كريم العراقي ( شعر للعراق خراافي )

طبعا كلش احبه لكريم العراقي ..

شاعر مبدع .. وهمين هو (اديب)

يكتب الشعر بجميع الانواع .. ويكتب القصة والرواية والمقالة

حاليا عايش بدبي ورئيس تحرير مجلة ما اذكر اسمها ..

تعلقت بي بسبب كاظم الساهر لان كان يغني كلماته

ورحت ادور وجان عرفت انه هذا الشاعر خلف كاظم الساهر

احلى شي من يسافر اول مره خارج العراق ويأجر شقة

فيجي من الشغل تعبان ويدك باب جيرانهم بالشقة

وجان اكو بنية تفتحلة الباب وتكووولة تفضل استاذ

هاي مو شقتك .. بالجهة المقابلة شقتك ..

وبوقتها اكتب اجمل اغنية

(دكيت باب الجار كل ظنتي بابي .. ذاكرتي صارت عدم من فركة احبابي)

...

اله بعد قصيدة غنتها سميرة سعيد سنة 1986 (عراق الكرامة لك مني السلامة .. لكل البشر)

مبدع هالرجال الله يوفقه ..


اهات حالمة .. اني من ادخل موضوع احب احجي اللي اعرفه حتى الاعضاء يستفادون

ما اميل على الردود القصيرة احب اكتب جرايد هههههههه

..

شكرا سيدتي والموضوع يخبل مثل شخصيتج بالمنتدى

الله يوفقج

تحياتي

 

[المشتاق]

رد: دللول ... كريم العراقي ( شعر للعراق خراافي )

بسم الله الرحمن الرحيم

أختي الكريمة آآهآآت حآلمــــــــــــــة
سلمت يدآكِ للوحة الجميلة والرآئعة
{{{ دللول { كريم العرآقي } }}}
إختيآر ونقل موفق
دآم لنا فيض العطآء
وللمزيد منَ كل جديد
تحيآتي ودعآئي
دمتي موفقة
مع بآقة ورد
[URL="http://decoration.files.wordpress.com/2008/04/f-jj08b_e_d28a5fb0168e4316ef0bae1aa3444c23.jpg?w=343&h=512"][URL="http://decoration.files.wordpress.com/2008/04/f-jj08b_e_d28a5fb0168e4316ef0bae1aa3444c23.jpg?w=343&h=512"][URL="http://decoration.files.wordpress.com/2008/04/f-jj08b_e_d28a5fb0168e4316ef0bae1aa3444c23.jpg?w=343&h=512"][URL="http://decoration.files.wordpress.com/2008/04/f-jj08b_e_d28a5fb0168e4316ef0bae1aa3444c23.jpg?w=343&h=512"][URL="http://decoration.files.wordpress.com/2008/04/f-jj08b_e_d28a5fb0168e4316ef0bae1aa3444c23.jpg?w=343&h=512"][/URL][/URL][/URL][/URL][/URL]



​

 

[آهاات حالمة]

رد: دللول ... كريم العراقي ( شعر للعراق خراافي )

[size=-0]أشكركم على مروركم[/size]
[size=-0]تعطر وتشرف متصفحي بحضوركم[/size]
[size=-0] لكم أعذب زهور اليآسمين[/size]
[size=-0] دمتم بكل خير[/size]​