دوريت سنين عمري

[فقار الكرخي]

دوريت
سنين عمري
عليك كلهن
دورتهن
وحده وحده
ومالگيت
ودوريت
اوراقي وبيوت القصايد
بيت بيت
وچان طاريك
يمر ليليه بيه
شفتك
اويه اوراقي چلمه
وشفتك
عذيبي ويه نسمه
ونته بس انته حبيبي
المااجيت ؟
يالذيذ الروح
وحشه
وداعتك
وحشه الليالي
اشگد الك عطشانه روحي ؟
انته تدري اشگد احبك
لو نسيت ؟؟
اه
لو تدري حبيبي
شگد احبك
ما نسيت
ياحنان الروح
ياطعم الزلال
القصيده عليك
تسالني شگول ؟؟
اختنگت
حروف القصايد بالسؤال
الفرگه ضيم
او فرفحت روحي على شوفك
كافي
يمعود تعال
سنيني ذبلت بالسوالف
ماهداك الله وتجيني ؟
الدنيه ظلمه
ومشتهيك
بليله وحشه
مشتهيك
حچايه ترفه
مشتهيك
بعينك اغفه
رموشك
تغطيني وادفه
ياامير
بكل ليالي الماتنام
تدري من شفتك حبيبي ؟
من حلاتك
گمت احب
روحي التحبك
تدري من شفتك حبيبي ؟
الليل هذا الليل
شو صبح نهار
وتدري
من شفتك حبيبي ؟
بسمة شفافك
طعم
شوفة حبيب
وشوفة العشاگ خبزه
ونعمة الله
وياهو ما يتمنه نعمه ؟
وتدري من شفتك حبيبي ؟
خزرة عيونك
بعدهي براسي
مكتوبه قصيده
وخضرت
باوراقي نغمه
تدري من شفتك حبيبي ؟
عيونك تگلي تعال
وانه شاعر
هيه دنيه بلا عشگ
تسمه دنيه ؟!!
لذة بنادم حبيبه
وهيه قسمه
وكلمن وحظه ونصيبه
وهيه قسمه
وحيرة المايدري حيره
الدخيل ..
مسودن يحبله اميره !!








_محسن الدخيلي

 

[mohammed.shams]

رد: دوريت سنين عمري

لجهودكم باقات من الشكر والتقدير على المواضيع الرائعه والجميلة

 

[جنون العاطفه]

رد: دوريت سنين عمري

الله ع جمالوو الذوق
ابدعت
وردي

 

[فقار الكرخي]

رد: دوريت سنين عمري

منورين

 

[Retaj Al-Hassan]

رد: دوريت سنين عمري

سلمت الايادي

 

[تہؤُلَيہبہ]

رد: دوريت سنين عمري

دَام عَطَائِكْ.. يَآطُهرْ..
وَلَا حَرَّمْنَا أَنْتَقَائِكْ الْمُمَيِّز وَالْمُخْتَلِف دَائِمَا
حَفِظَك الْلَّه مِن كُل مَكْرُوْه ..
*
تَحِيّه مُعَطَّرَه بِالْمِسْك.., ,

 

[سعد العراقي راقي]

رد: دوريت سنين عمري

شكرا لجهودك
تحياتي لك

 

[قيصر الحب]

رد : دوريت سنين عمري

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[mohammed.shams]

رد: دوريت سنين عمري

لجهودكم باقات من الشكر والتقدير على المواضيع الرائعه والجميلة