رادونه نذل و ما ننذل

[فقار الكرخي]

سيد سعيد الشريفي ..

رادونه نذل و ما ننذل..
.
.
حنطة و عالگاع تطشرنه
و بطرور الساتر خضرنه
خضرنه من طرور الگاع
تفگه و طاحت بید اسباع

إحنه المانعرف نتختل
بالسنبل حشینه المنجل.....
------------
مو من عدنه الباع ترابچ..یا گاع
و اشحده الیوصل یم بابچ...یا گاع
و احنه بسرگیهن چیلات
و بصدور العدوان نبات

إحنه الما نعرف نتختل
بالسنبل حشینه المنجل
--------
نقسم بتراب الفیلیه
و نقسم بالشیله العربیه
نقسم بچفوف العباس
حره و گاعچ ما تنداس

إحنه الما نعرف نتختل
بالسنبل حشینه المنجل
--------
ردینه الزود و ما ردنه
و هدیناه الراد یهدنه
إحنه أولاد الرمل الحار
و إحنه ال من ظهر الثوار

إحنه الما نعرف نتختل
بالسنبل حشینه المنجل

 

[mohammed.shams]

رد: رادونه نذل و ما ننذل

لجهودكم باقات من الشكر والتقدير على المواضيع الرائعه والجميلة

 

[سعد العراقي راقي]

رد: رادونه نذل و ما ننذل

شكرا لجهودك
تحياتي لك

 

[تہؤُلَيہبہ]

رد: رادونه نذل و ما ننذل

رآئـــــع مــا طــــرح هنــا
تسلم الآيـــادي وكل الشكر لك على إنتقائك المميز
دمت بألف خيـر .. تحيـــاتي لك