رحلنا عن بعض

[عبد الرحمن]

رحلنا عن بعض لكن تركنا بالقلوب أشواق
تنادينا ليالينا الجميلة يوم صدّينا ..

وصلنا لآخر حدود الفراق اللي صحيح فراق
تصاريف الزمان اشلون ودّتنا مَنافينا ..

ضمينا م الحنين وصدر هالدنيا علينا ضاق
يا دنيا وسعي صدرك علينا لا تخلينا ..

هوانا صعب وايّامه طويله والعمر سرّاق
وانا ما ودّي الدنيا على الفرقا تودّينا ..

سحاب الدمع لو يمطر بعيني ويغسل الأحداق
تردّه عِزَّة النفس العزيزه كلّ ما جينا ..

لو انّ العمر يذبل والسنين تطيح كالأوراق
أنا لي هامةٍ ما تخضع الّا لوَجْه بارينا ..

طويت القلب بايديني وشدّيته من الأعناق
ورَثنا العِز والذلة عليها ما تربّينا ..

أنا مابيك تتحدّى شموخٍ ساكن الأعماق
ترى الخسران وحدك كاننا اللي ما تصافينا ..

أنا مابيك تتحدّى شموخٍ ساكن الأعماق
ترى الخسران وحدك كاننا اللي ما تصافينا ..

نعم أنا اعترف لك بالغرام وزايد الأشواق
ولكن عزّتي ورثٍ ورثته من أهالينا ..

رحَلنا عن بعض لكن تركنا بالقلوب أشواق
تنادينا ليالينا الجميلة يوم صدّينا ..

وصلنا لآخر حدود الفراق اللي صحيح فراق
تصاريف الزمان اشلون ودّتنا مَنافينا ..!! م ن

 

[mohammed.shams]

شكرا للجهود المبذولة

 

[عبد الرحمن]

يسلموو
على المروررر
استاذ محمد

 

[اصيل]

ابيات جميلة
تسلم الايادي اخوي

 

[عبد الرحمن]

اصيل
منورر شاكر لك
مروركك

 

[عبد الرحمن]

منورين جميعا