ردت اكتب فرح يوم من الايام
وجبت حنت عرس وشموع خليت
اجرجر بالقصيدة معاندة وياي
كلش تعبتني ومنهة مليت
بديت بمستهل ما مقتنع بي
وخمس ابيات بيت يقشمر ابيت
ومكيف بيش اقراها للناس
كبل ما اقرة كلمة بعيني صديت
اباوع بالملامح ميتة الافراح
وياعاقل يطش عالموتة جكليت
المنصة مراية تعكس حال جمهور
واليغلط يصب النار عالزيت
شفت جمهوري وجهة مغيم دموع
صرت دمعة وعلى خدودة تبديت
انه شاعر حزن مختص بالهموم
ومن هاي الهموم محصل الصيت
اعجبك من اريد اتناول الموت
اخلي المفردة تنكط توابيت
واخلي البيت نفسة يهزة معناه
يشك زيجة اعلى روحة ويلطم البيت
ويهتفلي الدمع من اقرة عالضيم
وتصفكلي الجكاير والبواكيت
كبل شعري ترف بس وي كبل راح
وجنت اكتب غزل تاليهة كفيت
وتبت مابعد اصيرن روميو انوب
لان برخص ثمن باعتني جوليت
وجبت حنت عرس وشموع خليت
اجرجر بالقصيدة معاندة وياي
كلش تعبتني ومنهة مليت
بديت بمستهل ما مقتنع بي
وخمس ابيات بيت يقشمر ابيت
ومكيف بيش اقراها للناس
كبل ما اقرة كلمة بعيني صديت
اباوع بالملامح ميتة الافراح
وياعاقل يطش عالموتة جكليت
المنصة مراية تعكس حال جمهور
واليغلط يصب النار عالزيت
شفت جمهوري وجهة مغيم دموع
صرت دمعة وعلى خدودة تبديت
انه شاعر حزن مختص بالهموم
ومن هاي الهموم محصل الصيت
اعجبك من اريد اتناول الموت
اخلي المفردة تنكط توابيت
واخلي البيت نفسة يهزة معناه
يشك زيجة اعلى روحة ويلطم البيت
ويهتفلي الدمع من اقرة عالضيم
وتصفكلي الجكاير والبواكيت
كبل شعري ترف بس وي كبل راح
وجنت اكتب غزل تاليهة كفيت
وتبت مابعد اصيرن روميو انوب
لان برخص ثمن باعتني جوليت
