محمد حسن ضيغم
Well-Known Member
ردت اكتب قصيده ومن كتبت اعراق
صاح اللـــــــــه صوته وصفّك المطلع
وكع منّي القلم عالورقه كتله شبيك
اثاري للوطن ضل القلم يركع
وردت ارسم ورد وبخد عراق حسين
الورده ارسمهه بيدي وتنكلب مدفع
احّا ياوطن جم دوب تحمل آه
وبسيف الشعب جم دوب تتبضع
من اول ماصرت من النفط محروم
وغيرك من عيون النفط ضل يرضع
وانت ابن الوطن والوطن يفخر بيك
ليش اكبال خصمك بالوطن تطمع
حط ايدك بأيدي وخلنه نصبح سيف
وذاك الوكت عود انطالب المرجع
اذا انت ويخصمي وضدّي ترمي اسهام
بعد فتوة جهاد وياك ماتنفع
مو هذا الوطن وجروحه تنزف ناس
ومو دجله وفرات عيونه ضل تدمع
تحط حطبك بناره وانت بيدك ماي
اذا مو هسه تفزع يمته جا تفزع
يمفرهد وطن لو صح تفرهد دوم
مثل طبع المكابر دوم ماتشبع
اذا محتلني انت وبيه تاكل دوم
بعد المن اكل لمريكه خل تطلع
كلش زين اعرفك لو جهاد يصير
تسد طلاكة اذنك حتى ماتسمع
صاح اللـــــــــه صوته وصفّك المطلع
وكع منّي القلم عالورقه كتله شبيك
اثاري للوطن ضل القلم يركع
وردت ارسم ورد وبخد عراق حسين
الورده ارسمهه بيدي وتنكلب مدفع
احّا ياوطن جم دوب تحمل آه
وبسيف الشعب جم دوب تتبضع
من اول ماصرت من النفط محروم
وغيرك من عيون النفط ضل يرضع
وانت ابن الوطن والوطن يفخر بيك
ليش اكبال خصمك بالوطن تطمع
حط ايدك بأيدي وخلنه نصبح سيف
وذاك الوكت عود انطالب المرجع
اذا انت ويخصمي وضدّي ترمي اسهام
بعد فتوة جهاد وياك ماتنفع
مو هذا الوطن وجروحه تنزف ناس
ومو دجله وفرات عيونه ضل تدمع
تحط حطبك بناره وانت بيدك ماي
اذا مو هسه تفزع يمته جا تفزع
يمفرهد وطن لو صح تفرهد دوم
مثل طبع المكابر دوم ماتشبع
اذا محتلني انت وبيه تاكل دوم
بعد المن اكل لمريكه خل تطلع
كلش زين اعرفك لو جهاد يصير
تسد طلاكة اذنك حتى ماتسمع