أداة تخصيص استايل المنتدى
إعادة التخصيصات التي تمت بهذا الستايل

- الاعلانات تختفي تماما عند تسجيلك
- عضــو و لديـك مشكلـة فـي الدخول ؟ يــرجى تسجيل عضويه جديده و مراسلـة المديــر
او كتابــة مــوضـــوع فــي قســم الشكـاوي او مـراسلــة صفحتنـا على الفيس بــوك

روائع الشعر العراقي/كاظم اسماعيل كاطع/مامرتاح

ناطق العبيدي

Well-Known Member
إنضم
16 نوفمبر 2013
المشاركات
5,386
مستوى التفاعل
1,846
النقاط
113
بسم الله الرحمن الرحيم اللهم صل على محمد وعلى آله وصحبه أجمعين

ما مرتاح .. ما مرتاح .. مامرتاح
عيوني تستحي بس الدموع إوكاح
ما مرتـــــــــاح
منٌك.. منٌي .. من الجاي من الراح
ما مرتــــــــاح
عركه وي الزمن ورجعنه مكسورين !!
وبعيده المسافه وينٌسي اللٌي طاح ..
ما مرتـــــــــــــاح
لأن شفت الشمس نزلت تبوس الكًاع
وبكف الطفل تنلاح
ولأن قاضي البلابل مدٌد التوقيف
ومفتوحه السِما
والفيل عنده جناح
ما مرتـــــــــــــــاح
لأن قفل المحبه إنباكً
وِترهٌم عليه مفتاح
ما مرتــاح
متروك بجزيره وتيٌهت بالليل
وإجو ربعي عليٌه بقافلة أشباح
وإنته إشبيك ؟؟؟؟؟
لمٌن دافعت عن نفسي صابك غيض
مو حتى الكًنافذ من تحس بالخوف
تستخدم جلدها سلاح !!
ولا جن الفجر مثل الفجر محبوب
لون الفجر صاير يقبض الأرواح !!
ما مرتـاح من ربعي ولا مرتاح
تمساح إبنهرهم صاحو من الخوف
وجازفت بحياتي من سمعت إصياح
!!! صارعت المنيٌه وبيده هزني الموت!!!
ومدمٌى إطلعت :-
صفٌكًو للتمســــــــاح
كل هذا وتريد أرتاح
ما مرتـــــــــــــــاح
ما مرتاح من ربعي ولا مرتاح
نادوونـي.. وركضت إبليــل
إيد الرسن بيها وإييد بيها سلاح
عثرت مهرتي ... وربعي قبل ما طيــح
واحد كًال للثاني
أبشـــــرك طـــــاح
أبشــــــــرك طــــــــاح
 

ناطق العبيدي

Well-Known Member
إنضم
16 نوفمبر 2013
المشاركات
5,386
مستوى التفاعل
1,846
النقاط
113
نقل قيم
اخ تاظم العبيدي
جهود طببه
لقلمك مـُذّهَبْ .. مـُذَّهَبْ!!
تاج مُوشِّح بالنـَّفاس والدررْ
دمتَ راقي الحرف
شامخ المعاني
ومرور رائع كروعتك
مودتي وتقديري
 

الذين يشاهدون الموضوع الآن 1 ( الاعضاء: 0, الزوار: 1 )