بسم الله الرحمن الرحيم اللهم صل على محمد وعلى آله وصحبه أجمعين
( اللوحه للفنان المبدع علي نعمه)
ماخذ وياي العراق بجنطة ... ما كفت الجنطة
طالعة منها منارة ، وعثك نخلة .... وشعلة من عيون نفطه
وراح نوصل... ذاك حد السيطرات... وذيج ضوايات المحطة
وين أضمها....
لا هوة كتاب ويخليه المسافر جوة أبطه
الحمد لله... الدنيا ليل....... ونقطة التفتيش سنطه
هاي نقطه ويمها واحد
نقطتين . تلاثة . خمسه
ست نقاط ويمها واحد !!!.... تنحسب مليون نقطه
وصاح مسؤول النقاط بصوت عالي ... هاي ما معقوله جنطه
بصيحته إنزرعت الساحة.... رجال أمن ورجال سلطة
بجرة السحاب شافت عينه نجمه... وطكته ريحة الحنطه
ما لكه غير العلم.... كلي شيفيدك؟
كتله غربه
إحنه غربه
ومن نموت هناك... جا ابيش نتغطه؟
كاظم إسماعيل الكاطع
( اللوحه للفنان المبدع علي نعمه)
ماخذ وياي العراق بجنطة ... ما كفت الجنطة
طالعة منها منارة ، وعثك نخلة .... وشعلة من عيون نفطه
وراح نوصل... ذاك حد السيطرات... وذيج ضوايات المحطة
وين أضمها....
لا هوة كتاب ويخليه المسافر جوة أبطه
الحمد لله... الدنيا ليل....... ونقطة التفتيش سنطه
هاي نقطه ويمها واحد
نقطتين . تلاثة . خمسه
ست نقاط ويمها واحد !!!.... تنحسب مليون نقطه
وصاح مسؤول النقاط بصوت عالي ... هاي ما معقوله جنطه
بصيحته إنزرعت الساحة.... رجال أمن ورجال سلطة
بجرة السحاب شافت عينه نجمه... وطكته ريحة الحنطه
ما لكه غير العلم.... كلي شيفيدك؟
كتله غربه
إحنه غربه
ومن نموت هناك... جا ابيش نتغطه؟
كاظم إسماعيل الكاطع
