روح الله وياك

[عازف الصمت]

روح الله وياك

​

انا ما اكدر اكلك لا تروح​

روح الله وياك انا امتاني​

بنفس درب الي مشيته انطر تعود​

شجره انا ايصير انسه اغصاني​

جرحك بروحي اشحلاته اشما يطول​

اجرح بسجيني هاك الثاني​

لكن احجاية ضمير اسمعها زين​

صعبه حيل انساك لو تنساني​

انت من طين البشر ربك بناك​

وانه هم مثلك بشر سواني​

لكن المقياس بالحب والوفاء​

ومو نكر للذات لو تهواني​

عمي ماريدك تحبني بلا يه روح​

انا ما ريدك خشب سجاني​

روح ومشي وعاين دروب الحياة​

ومن ترد مفتوحه لك بيباني​

انا طبعي من النهر ماخذ دروس​

يعني استاذ بحظرتك اني​

بس اسف بالمسحه من فلاحي طاح​

كامت اتبوك بزرع بستاني​

وانه ايدي امكطعه وناطوري مات​

وليلي باع انجومه كلها وجاني​

وانت جاي تريد تمشي بلا وداع​

عمي روح اشضل بعد شتاني​

هيه كلها اتراكمت ضلت عليك​

كافي راح اسكت وخيط اللساني​

​

 

[جَےـوِريّے]

رد: روح الله وياك

الله الله عاشت الايادي

شكرآ لما أنتقيت

أحراماتي...

 

[هَدوَةُ لَيلْ]

رد: روح الله وياك

كم انت راااااائع بانتقاءك اخي الغالي
جميلٌ ما قرأت هنا
و اسمتعت بهذه الواقعية

تحيتي لك

 

[عازف الصمت]

رد: روح الله وياك

منورين الموضوع بردودكم الجميله