ساكته شرد اكلك هو ظل اللسان
عندي وبيه اسولف وأعترف معجب
شفتك من بعيد وخذت كلشي وياك
انه ادري شراح تاخذ مني من تكرب
ما مرتاب منك بس احس بخوف
وبعيونك احس كل نظره الك مطلب
يبو عيون الصكر سابينه من مرتاح
نطي وجوهنه لاوين من تغضب
على كيفك وياي وشوفني بيا حال
تعبني العشك مابيه بعد اتعب
يابس زرع روحي وضامه من النار
ونارك بالزرع شيكظه من تنشب
تحيرني البراءه اشما افكر بيك
وماعرفك صدك وياي لوتلعب
الغريبه البيك توك ماتعرف الشوك
وشلته حال كلبي الهيه بيك اغرب
بسهل طبيت كلبي وما كلتلك وين
يل شايل كلب للموت ماينطب
ماحبك بعدني وكلشي بيدك صار
جا شيظل علي لو من صدك تنحب
مو مثل البشر لاعمي عشكك موت
موت وشلي بي مامنه كل مهرب
انت الحلو بيك شكد صعب وياي
وانه الحلو بيه وياك مااصعب
متناسبني كلي حتى اظل مرتاح
متناسبني اشوفن هذا حل انسب
ما احبك لان ماشفت هيج اوصاف
والكلك اوصفك نافق وجذب
ملعب للجمال او وحد الاعوب
وبحسنك صرت لهل المثل مضرب
وعيونك بيارغ هوست ع الناس
وشحده اليطب وياك للملعب
تبين من بعيد شما مشو وياك
حجرهم وصرت من دونهم كهرب
تسب الناس كل خطوه جدم ع الكاع
من تنسب اذا لتضوج من تنسب
معقوله انت اكلك مثل هاي الناس
ونفس الماي تشرب منه من نشرب
كل لهلك دخيلك خلهم يضموك
انت الماكو منك خاف لاتخرب
ومن يكثر المثلك خلهم يطلعوك
بلكي تضيع لمن بالشبه تنذب
عندي وبيه اسولف وأعترف معجب
شفتك من بعيد وخذت كلشي وياك
انه ادري شراح تاخذ مني من تكرب
ما مرتاب منك بس احس بخوف
وبعيونك احس كل نظره الك مطلب
يبو عيون الصكر سابينه من مرتاح
نطي وجوهنه لاوين من تغضب
على كيفك وياي وشوفني بيا حال
تعبني العشك مابيه بعد اتعب
يابس زرع روحي وضامه من النار
ونارك بالزرع شيكظه من تنشب
تحيرني البراءه اشما افكر بيك
وماعرفك صدك وياي لوتلعب
الغريبه البيك توك ماتعرف الشوك
وشلته حال كلبي الهيه بيك اغرب
بسهل طبيت كلبي وما كلتلك وين
يل شايل كلب للموت ماينطب
ماحبك بعدني وكلشي بيدك صار
جا شيظل علي لو من صدك تنحب
مو مثل البشر لاعمي عشكك موت
موت وشلي بي مامنه كل مهرب
انت الحلو بيك شكد صعب وياي
وانه الحلو بيه وياك مااصعب
متناسبني كلي حتى اظل مرتاح
متناسبني اشوفن هذا حل انسب
ما احبك لان ماشفت هيج اوصاف
والكلك اوصفك نافق وجذب
ملعب للجمال او وحد الاعوب
وبحسنك صرت لهل المثل مضرب
وعيونك بيارغ هوست ع الناس
وشحده اليطب وياك للملعب
تبين من بعيد شما مشو وياك
حجرهم وصرت من دونهم كهرب
تسب الناس كل خطوه جدم ع الكاع
من تنسب اذا لتضوج من تنسب
معقوله انت اكلك مثل هاي الناس
ونفس الماي تشرب منه من نشرب
كل لهلك دخيلك خلهم يضموك
انت الماكو منك خاف لاتخرب
ومن يكثر المثلك خلهم يطلعوك
بلكي تضيع لمن بالشبه تنذب
