قصيدة باللهجة العامية الليبية ..
ارجوا ان تعصروا ادمغتكم جيدا لتفهموها....
واتمنى على كل واحد منكم ان يوضح ماقد فهمه من القصيدة
ليتسنى لي شرحها لكم لاحقا ...
هذا ان احببتم
اولا ..لزيادة عدد مشاركاتكم وثانيا للتعرف على اللهجة الليبية ومفرداتها
والآمر لكم
اخوكم فارس القمر
با الله يا عالم بكل خفية ..........فيدك أسرار الكون يا وهاب
كبدي علي نار الحطب مشوية ...... عجل دواها قبل ما تنصاب
جت في الضحى يا محرفك من جية. القيت فوق من حوش العزيز أسراب
..القيت الخيم قدامهم مبنية ..... وبطرف المنصة ساترين الباب ....
ومني بلا رادة صفقت ايديا .... ....وكتحت علي راسي نصيب تراب
تلخبط دماغي وارتخوا ركبيا ....... تقول مكنولي في الضلوع أحراب
بلا موجعة فارق عزيز عليا .... .....ولا لغيبته سابق اندار غياب
رحل ما بقوا كانش أوراق الغية ... والا الصور في مولت الدولاب
وآه يازمان العشق تغدر بيا .........تاخد حبيبي بعد راسي شاب
الله ايسامحك كافيتني بالسية .... وبعته ربيع العمر ياكذاب
اليوم النهار اسود تقتم ضيه ....... وبكري قروا في الغاليين كتاب
ونال العدو مني شماتة فيا ......... ايعول ويضحك بينهم شرهاب
ومن يومها حاست أفكار ردية ..... .تحير دليلي الفكر عني غاب
اندور في مقابر غابية منسية ..... .بالكش نلقى رادمين حجاب
انسيت القضا والقدر والقسمية .....وياما يفارق من اتنين احباب
سلامي علي اللي ماشبحتش زيه .... لا في بعاد هناك لا في قراب
ليش بعتني نقعد اوراك ضحية ............للحشر منك خاطري ما طاب
خديت رايهم زمرة أخباث النية ... ........صحاب القلوب تقول ريش غراب
عليك شادين الباب بالوردية .... لين عكروا صفوك غديره راب
وحتى الوداع يكون بالحنية ..... بالكش الصدر تضوي فيه شهاب
تاعبتني لين انحرق جوجيا ......دخن بدا راقي عليه ضباب
وكيف العرب تعرف ادير مزية ...... دزيتلي قبل الرحيل جواب
تبرز حجايج تابتة رسمية.......... شارح ظروفك للفراق أسباب
غير النسا ضلعت عوج ملوية..... بلا احساس ما فيهن ايفيد عتاب
وكثر الكلام انظن فيه خطية .... ..لا يفيد لا يروي العطش سراب
قسم انكتب الفراق ليك وليا ..... وغاب القمر درق عليه سحاب
وآخر كلامي بالسلام هدية .......عليك يا امكحل بالسواد أهداب
ارجوا ان تعصروا ادمغتكم جيدا لتفهموها....
واتمنى على كل واحد منكم ان يوضح ماقد فهمه من القصيدة
ليتسنى لي شرحها لكم لاحقا ...
هذا ان احببتم
اولا ..لزيادة عدد مشاركاتكم وثانيا للتعرف على اللهجة الليبية ومفرداتها
والآمر لكم
اخوكم فارس القمر
با الله يا عالم بكل خفية ..........فيدك أسرار الكون يا وهاب
كبدي علي نار الحطب مشوية ...... عجل دواها قبل ما تنصاب
جت في الضحى يا محرفك من جية. القيت فوق من حوش العزيز أسراب
..القيت الخيم قدامهم مبنية ..... وبطرف المنصة ساترين الباب ....
ومني بلا رادة صفقت ايديا .... ....وكتحت علي راسي نصيب تراب
تلخبط دماغي وارتخوا ركبيا ....... تقول مكنولي في الضلوع أحراب
بلا موجعة فارق عزيز عليا .... .....ولا لغيبته سابق اندار غياب
رحل ما بقوا كانش أوراق الغية ... والا الصور في مولت الدولاب
وآه يازمان العشق تغدر بيا .........تاخد حبيبي بعد راسي شاب
الله ايسامحك كافيتني بالسية .... وبعته ربيع العمر ياكذاب
اليوم النهار اسود تقتم ضيه ....... وبكري قروا في الغاليين كتاب
ونال العدو مني شماتة فيا ......... ايعول ويضحك بينهم شرهاب
ومن يومها حاست أفكار ردية ..... .تحير دليلي الفكر عني غاب
اندور في مقابر غابية منسية ..... .بالكش نلقى رادمين حجاب
انسيت القضا والقدر والقسمية .....وياما يفارق من اتنين احباب
سلامي علي اللي ماشبحتش زيه .... لا في بعاد هناك لا في قراب
ليش بعتني نقعد اوراك ضحية ............للحشر منك خاطري ما طاب
خديت رايهم زمرة أخباث النية ... ........صحاب القلوب تقول ريش غراب
عليك شادين الباب بالوردية .... لين عكروا صفوك غديره راب
وحتى الوداع يكون بالحنية ..... بالكش الصدر تضوي فيه شهاب
تاعبتني لين انحرق جوجيا ......دخن بدا راقي عليه ضباب
وكيف العرب تعرف ادير مزية ...... دزيتلي قبل الرحيل جواب
تبرز حجايج تابتة رسمية.......... شارح ظروفك للفراق أسباب
غير النسا ضلعت عوج ملوية..... بلا احساس ما فيهن ايفيد عتاب
وكثر الكلام انظن فيه خطية .... ..لا يفيد لا يروي العطش سراب
قسم انكتب الفراق ليك وليا ..... وغاب القمر درق عليه سحاب
وآخر كلامي بالسلام هدية .......عليك يا امكحل بالسواد أهداب
