شبيها روحي
وين هي
باب باب اتبيعني ولا چف يلمني
غير حزني
شلون اغني والمن اعتب..!!
بيا قصيدة انشال باچر..؟
بيا اتراب ازرع حزن روحي وفرحها
بيا امرايه انشاف ماي..
الليل راح الون ضاع الموت جاي
سنيني وين
شباقي مني..؟
اي يحزني الما خلص واتراب ظني
احساب اموت…!
وكلها مثلي الناس سكرانه بحزنها
باچر المن
الريح سوده..!
الخوف بالوادم عبر لاخر طفل مايندل بيا دنيه لونه
خطوة ابن ادم تفشل..!!
الحزنه ما يگدر يفگ بيبان للفرحه البعيده
وما يرد كل التضيع ايموت حزنه..!
شبيها روحي…؟
شضايع من اعيونها غير العمر والوطن
وهلال القصايد وعيد المبارك وماي دجله..!!
شراح منها
بلا هله وچلمة تعال اتعيش تگدر..؟
اتراب تسهر
بين تابوت ونحر والشيب يفتر..
بلا هوه العشرين والبعدين واثياب التموت
وبير يوسف والخطوط المو حمر بطرانه تگدر..!!
شبيها روحي
ورقه بيضه تروح باچر
ليش ما عاشت الباچر..؟!!
ليش ما زرعت تعبها هلال ماي
ورسمت الفرحه اعله كبر حسين والحريه حلوه..
تخضر بگاع الله ناس وثوب يضحك..
اي يروحي
مراية الدم ما تچذب…
_احمد فشلان الوائلي
وين هي
باب باب اتبيعني ولا چف يلمني
غير حزني
شلون اغني والمن اعتب..!!
بيا قصيدة انشال باچر..؟
بيا اتراب ازرع حزن روحي وفرحها
بيا امرايه انشاف ماي..
الليل راح الون ضاع الموت جاي
سنيني وين
شباقي مني..؟
اي يحزني الما خلص واتراب ظني
احساب اموت…!
وكلها مثلي الناس سكرانه بحزنها
باچر المن
الريح سوده..!
الخوف بالوادم عبر لاخر طفل مايندل بيا دنيه لونه
خطوة ابن ادم تفشل..!!
الحزنه ما يگدر يفگ بيبان للفرحه البعيده
وما يرد كل التضيع ايموت حزنه..!
شبيها روحي…؟
شضايع من اعيونها غير العمر والوطن
وهلال القصايد وعيد المبارك وماي دجله..!!
شراح منها
بلا هله وچلمة تعال اتعيش تگدر..؟
اتراب تسهر
بين تابوت ونحر والشيب يفتر..
بلا هوه العشرين والبعدين واثياب التموت
وبير يوسف والخطوط المو حمر بطرانه تگدر..!!
شبيها روحي
ورقه بيضه تروح باچر
ليش ما عاشت الباچر..؟!!
ليش ما زرعت تعبها هلال ماي
ورسمت الفرحه اعله كبر حسين والحريه حلوه..
تخضر بگاع الله ناس وثوب يضحك..
اي يروحي
مراية الدم ما تچذب…
_احمد فشلان الوائلي
