شحچي وشگولن ياألهي امحير

[ابو مناف البصري]

..القصيده من وزن الميمر
،،،،،،،،،،،،،،،،،
شحچي وشگولن ياألهي امحير
مـــــن ياذنب ياسايه ليك اتعذر
هنه الذنوب اهواي وانته الابصر
بيهن يـــــربي ومنهن انه اتــعذر
،،،،،،،،،،،،،،،،،
العذر منك كل وكت كل ساعه
والروح اجتك بالامر والطاعه
الدنيه تغري وهل بشر طماعه
وشيطانها يفتر عليه اوسيطر
،،،،،،،،،،،،،،،،،
الشيطان يفتر بالوساوس يغري
ومنك اعوذه وليك اسلم امــري
متعني ليك وجاي اريدن أجري
انت التسامح وانه جاي اتشكر
،،،،،،،،،،،،،،،،،
رايد يالهي أبرحمتك ترحمني
مكسور اجيتك وانته بس تجبرني
كل وكتي ادور اعذار من يعذرني
بس انته ترحم حالي وانه امرمر
،،،،،،،،،،،،،،،،،،،،
ترحم ابحالي وتغفر امن اذنوبي
ودربك عدل وانه امشي بي مگلوبي
بعدلك تبيض صفحتي ومكتوبي
بيدي اليمين اتسلمه يوم المحشر
،،،،،،،،،،،،،،،،،،
طامـــــع بعدلك مبتغاي الجنة
مسكني ومسكن والديه اتمنه
من يمشي ابدربك عدل يتهنه
خير اوسعاده ينول راح واكثر
،،،،،،،،،،،،،،،،،،،،،

ابيتك ازورك تعرف ابأحوالي
لجلك رخصت البل نفس والغالي
لا ولــــد ينفع لا أخو لا مالي
خير العمل يحضر وياي ويفتر
علميمر وعلميمر وعلميمر
،،،،،،،،،،،،،،،،،،،
سلام المرياني

 

[madness man]

اختيار جميل
احسن واحسن المرياني

 

[Retaj Al-Hassan]

عآآشـت آلآيآدي

يسـلمـووو ع آلنقل