ياطيرتي البريه...
يالسارقتني عيونچ الوحشيه
يالشعرچ امبعثر (امسودن)مغثوث
بس گذلتچ مكويه.
اذنچ حجمها مال جاهل شهرين.
يساعدها الله وشايله الترچيه
يالحاجبچ سيف...وخصر طولچ سيف
ومابين سيفينچ حياتي اضحيه
الحلوات اشوفنهن مئاذن حلوات
بس لو مشيتي اوياهن...(الملويه.)
يالثغرچ بگد محبسچ مدري شلون
ينطق سوالف مالة اكباريه
الدم بهت لونه اعتقد روحه الماي
من عاين اعله اشفافچ الورديه
يالكل بياض الله استحى وظل عرگان
امن اسنونچ الثلجيه
بصدرچ مسافة تكفي نومة مرتاح
ويم راسه كاس(معتق)ونوميه
ومابين صدرچ والحزام(الفترين)
يتلاگن الّا شويه...
نمرش اقدامچ من يدوس اعله الگاع
تخدر..وتوگع فاهيه ومغشيه.
اذراعچ احس بي مال واحد مغوار
بس الغريب مركب اعله بنيه
بطراف ادينچ فشگ..ماادري اقلام
المهم...ايدچ ناعمه وقطنيه
هواي العطور تمرني تسيورة ريح
وماغير عطرچ ينزل اعله الريه
شروگيه كلشي البيچ مالح مرغوب
بس(بالتغنج)لاله...بغداديه.
بت ريف صوتچ ماوصل للجيران
بس لو زعلتي(مهاوش)البدويه.
رب الشعر بيه...وردت وصفچ عود
ومن وصفيتچ لن شعر مابيه...!!
عدنان البركي
يالسارقتني عيونچ الوحشيه
يالشعرچ امبعثر (امسودن)مغثوث
بس گذلتچ مكويه.
اذنچ حجمها مال جاهل شهرين.
يساعدها الله وشايله الترچيه
يالحاجبچ سيف...وخصر طولچ سيف
ومابين سيفينچ حياتي اضحيه
الحلوات اشوفنهن مئاذن حلوات
بس لو مشيتي اوياهن...(الملويه.)
يالثغرچ بگد محبسچ مدري شلون
ينطق سوالف مالة اكباريه
الدم بهت لونه اعتقد روحه الماي
من عاين اعله اشفافچ الورديه
يالكل بياض الله استحى وظل عرگان
امن اسنونچ الثلجيه
بصدرچ مسافة تكفي نومة مرتاح
ويم راسه كاس(معتق)ونوميه
ومابين صدرچ والحزام(الفترين)
يتلاگن الّا شويه...
نمرش اقدامچ من يدوس اعله الگاع
تخدر..وتوگع فاهيه ومغشيه.
اذراعچ احس بي مال واحد مغوار
بس الغريب مركب اعله بنيه
بطراف ادينچ فشگ..ماادري اقلام
المهم...ايدچ ناعمه وقطنيه
هواي العطور تمرني تسيورة ريح
وماغير عطرچ ينزل اعله الريه
شروگيه كلشي البيچ مالح مرغوب
بس(بالتغنج)لاله...بغداديه.
بت ريف صوتچ ماوصل للجيران
بس لو زعلتي(مهاوش)البدويه.
رب الشعر بيه...وردت وصفچ عود
ومن وصفيتچ لن شعر مابيه...!!
عدنان البركي
