شفاف..

[العـ عقيل ـراقي]

بربع نهدك غفت روحي
وغفيت الليل بلايه اللحاف
وبواهس المشتاك اظمك
وأبوس الركبة من تلتاف
ياحلاوة مشتهه
بتالي الوكت
ويا طعم شفتك
عسل ينضاف
أنت عيب الوصف
يكدر يوصلك
وعيب يحجي بيك
من كال وصاف
اجيت مرة
وكلت اوصفك بالجذب
حسيت جهرت البدر
سودة من تنشاف
وأنته بيك ما بيك
لمعة الفضة
وبفييك تنام اعيونه
وشجرة الصفصاف
يا بلور جيدك
والنهد مرمر
والخصر سالوفة ما تنعاف
رديت من أول اكلهم ترف
واصفه من الزلال
والطبع شفاف
من يغفة تنام بسده
احلام يابو احلام
واظل بس اعاين
ربي شخلق بيه وشضاف
تلوك لخصره سبع اثواب
مطرز بفي نهد
والثوب من المستحة شفاف
جسته بأوهام عمري الراح
فرفحت روحي واشهكت
وكلت شلون الترافة تنشاف



14/04/2015
العــراقي​

 

[انثى ملائكيه]

رد: شفاف..

تسسلم الايـآدي..~

 

[العـ عقيل ـراقي]

رد: شفاف..

شكرا لحضورك