https://www.youtube.com/watch?v=Gcwatq49T0Y
شفت بيك الحنان المنه ماموجود
وحبيت النقاء البيك ياغالي
واعشكَت كُلشي التحبه وكُلشي تتمناه
وماغابت طيوفك لحظة عن بالي
اقضي الليل كُله بس أفكر بيك
وأفكر بالمُضى والجاي والحالي
أفكر بالعُمر لو خلص وفات
وصفى ليل المقابر وحده موالي
وصفيت بنعش موحش لا انيس اوياي
وذاك الخد توسد عالرمل خالي
وعيوني التحبهن ظلن مغمضات
راح النور منهن والضوه العالي
وصدري الجنت تغفى بالحلم وياه
أكل منه التراب بضيعة أمالي
وأحضاني العزيزة الحضنتك يوم
تناديك بألم.. بس الجسد بالي
ماظلت عيون ولا جسد وأحضان
ظلت بس مقابر تبجي احوالي
شيفيد العُمر واللوم والدمعات
لو خلص عُمرنه والعُمر فاني
وشيفيد العتب والهجر والآهااات
لو حاان الأجل وانختمت أعمالي
...
بقلم مُخلد
