شكثر نحجي ونسولف بيك

[ابو مناف البصري]

السلام عليك سيدي ابا عبدالله

شكثر نحجي ونسولف بيك
جم حكمة شجم عبره
شكثر نبجي وننوح اعليك
جم دمعة وجم عبره
شكثر نلطم عليك صدور
وماواحد خسف صدره
شكثر نبذل طعام وماي
للزوار وانت الماضكت كطره
منهه يطيب كل معلول
بشربت ماي لوتمره
ﻻن باسمك علاج تصير
شما جان المرض يبره
نتبارة بخدمتك موﻻي نقصد
خدمتك مانقصد الشهره
شنهي احنه بوفه العباس
الفداك بعين وبيمناه واليسره
وشنهي احنه بوفه اﻻكبر
شنوفي منه ياوذره
وشنهي احنه بوفه القاسم
البعمر الورد عمره
وشنهي احنه بوف السجاد
شنوفي منه ياحسره
وشنهي احنه بوفه زينب
العقيله الطاهره الحره
وشنهي احنه بوفه اﻻصحاب
الكل واحد وفه بنذره
شنوفي يابطل ياحيد
الفداك وطاح عالغبره
عفوا سيدي ونرجوك
تقبل عمل هالفقره
فقره والك محتاجين ياموﻻك
ونطلب منك النضره
ونطلب منك الولاك
دنيا وآخره تحضره
ونطلب للعراق اليوم
منك عالعده تنصره
انت وحيدر الكرار
وامك فاطمة الزهره

 

[mohammed.shams]

شكرا للجهود المبذولة

 

[قيصر الحب]

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي