هيچي، أولا تمر..
ولا چن احنه احباب
ضيعت ذيچ المحبة
وما حسبت احساب
بفراگك ،
حن الشوگ بضلوعي
والگلب عطب ، ذاب
وياروح اليمرهه الفرح
والفرح ع الفراگك غاب
وروازينه اشتهت ملگاك
والصبر ابچبدي انعاب
يوميه الچدم ياخذني ع الدربك
وتكوم دمع بعتبة الباب
يمشذر بطعم الهلاهل والدموع
يمته ألگاك ونرد احباب
//
چنه وكت العصاري
نعگد التفاح بخدك الريان
ونلم سوالفنه الصغيرة
واگلك اشبكني حيل بردان
ويضيع الحچي من اشوفك
يل صرت بيك وبلياك سكران
ساعة لو يمر بيه ذكرك
اطير من الفرح نشوان
وشما گلت اوصفك احتار
ثاريك من الورود بستان
وك لو مريت انت ابعگدنه
يصير العگد ادلال وانت ديوان
گالولي اشورطك بيه وشخبلك
گلت سبحان ربي،
شوصف بيه سبحان
يشهك الماي ابحلاته ويدعيله
ويجر الهور بذياله والنهران
وحدر الشفايف مدري شنهي
لاهو طعم جكليت لاهو زعفران
سبحان ربي والف سبحان
عقيل العراقي
ولا چن احنه احباب
ضيعت ذيچ المحبة
وما حسبت احساب
بفراگك ،
حن الشوگ بضلوعي
والگلب عطب ، ذاب
وياروح اليمرهه الفرح
والفرح ع الفراگك غاب
وروازينه اشتهت ملگاك
والصبر ابچبدي انعاب
يوميه الچدم ياخذني ع الدربك
وتكوم دمع بعتبة الباب
يمشذر بطعم الهلاهل والدموع
يمته ألگاك ونرد احباب
//
چنه وكت العصاري
نعگد التفاح بخدك الريان
ونلم سوالفنه الصغيرة
واگلك اشبكني حيل بردان
ويضيع الحچي من اشوفك
يل صرت بيك وبلياك سكران
ساعة لو يمر بيه ذكرك
اطير من الفرح نشوان
وشما گلت اوصفك احتار
ثاريك من الورود بستان
وك لو مريت انت ابعگدنه
يصير العگد ادلال وانت ديوان
گالولي اشورطك بيه وشخبلك
گلت سبحان ربي،
شوصف بيه سبحان
يشهك الماي ابحلاته ويدعيله
ويجر الهور بذياله والنهران
وحدر الشفايف مدري شنهي
لاهو طعم جكليت لاهو زعفران
سبحان ربي والف سبحان
عقيل العراقي
