شوف عينك
- وين صبّح ؟- مدري و الله بليل مظلم فاركيته ..
- وين مسّة ؟
- من طلع ما سد وراه الباب ، لكن بالدرب هّم بمشيته .
-دوره ..؟
- گتلك ما لكيته
- شوف گلبك..؟
- چان گبل سنين بيته
- شوف صدرك ...؟
-يكره المصدور ريته
- شوف ضلعك !
- مثل عود العنب يابس و ايست منه و طويته !
- دوره ..؟
- گتلك ما لكيته
- ليش عفته ؟؟
- اعطشت مرة و ما سگاني و عطش مرة و ما رويته ..
- شوف صندوگ الأسرار ..؟
- بدون رزة .. و گل حجي البيهن حجيته
- شوف عينك ؟
- ماكو بيها ..
- شوف عينك ؟!
- چان بعيوني و بجيته ....!!!!!!
