جان اكو شيخ عنده بنت وحيده هاي البنت تحب الكهوجي مال ابوها اللي اسمه شال وتعرفون الشيوخ ميزوجون بناتهم إلا لشيوخ فصارت قسمة البنيه لأبن شيخ ثاني البنت انجبرت تقبل لأن ميصير تعصي لأمها وابوها المهم اتزوجت وراحت ويه زوجها فزوجها طلب منها تصبله ماي حتى يغسل وكع منها دلو الماي وصاحت ياشال ( اسم حبيبها ) سكت زوجها وسألها منو اقاربج ؟ عددتهم مابيهم اسم شال لحد ماعرف السالفه راح لابوها وكاله عمي عندي هالبيت ابوذيه وأريد تكمله إلي :
سره ضعن الاوده بليل ياشال
وجرحي مايفيده ضماد ياشال
لحد هنا سكت الزوج :؛
فكمل البيت الكهوجي شال وكال:
شوكع من الحبيب وصاح ياشال
بحضنك والمحنه تفوح إليه
التعديل الأخير:
