شيلمك.. يطشار الذهب
فوگ اخديدات نهده
عثره وليل والحيل
متوچي ابسكته
يلم روحه بسكوت
هلبت جمرته اترده
تعال ياوكح
وبلياك الليل خنگه
وساعاته مو مسعده
غافين كلهم
ثاريهم ما يحبون
واليحب بالوحشة
يشبگ مخده
شكثر مخاديد باگت
مني قصايد شعر
بس يا وسفه ماتعرف
الي تقصده
خله يسولف لوحده
عاشگ والزمن
مارده فرد مرده
بطران وخذاه الواهس
وحلمه كلش جبير
خطية يسولف وحده
موش عله المرام
ويرسم بخياله
شريان وطبع ورده
ما يتوالم وي الروح
غير التعلم عليها
من زغر خده
جم ربيع وهو لابد ابحضني
لا مرنه حر بصيف
ولا بشته بردنه برده
شيلمك..
يا ضوه الفارش اشليله
بنص نهده..
العــ عقيل ـراقي
