صار الجفه عند البنات بهلوكت مودة
وما اظن ظلت حبيبة ولا حبيب
بهلوكت يوفي بوعودة
ازغار وياعشك الازغار
مايطول ايام معدودة
حسافة هويناهم وحسبناهم احباب
مادرينه اكلوبهم سودة
جا وين العشك يبنت الناس
مات لو ذبلت ورودة
ميت وهذا اليموت
للدنية بعد ياهو اليعودة
...............................
خلص كليبي من شوغات العشك
وهذا حدة
كل سهام الدنية اصدهة
وسهمك يا حلو مكدر اصدة
حلو ابو شعر الحرير
ولايكه الشامة اعله خده
حلو بس بالشكل
كطرة وفة ماعندة
وهذا جرحك وجرح العشك نيشان
ماينمحي ولايهدة
ارد اسمعج واسمع الناس كلهه
يلحسبتج خوش وردة
انه شوكي ماي صافي
ما اظن يلتم اذا مرة تبدة
بقلمي
مجيد السيد
