عراق انه
دواوين من الفرح للناس
ودلالي مهيلة گهوتها
ألوي اخشوم التكبر
واحط الرسن بحلوگ مهرتها
واسمر من شط العرب
وبيه زود البصرة وملحتها
ما تهزني ولد أمس
ولا يهمني ناس
مضيعه مشيتها
أهز اشوارب بنظرة
واتنومس فرح
لحجي الزلم ولمتها
ما يميل ظهري لا وحگ
الطر الفرات بذيچ حرتها
كلش بطيب خاطر امشي
واسولف وي الفخاتي
عله حلو ديرتها
ماتمحيني سوالفهم
وتظل للدوم مسيسه نيتها
خلها شما رادوا يسوون
بگفة ظهري اجاوبهم
انه ابن البصرة وولايتها..
العـ عقيل ـراقي
