علمني الوكت ماكو ربح بالناس
بس انت الوحيد البيك ما اخسر
فاضن بالعشك ايامنا الحلوات
تغيب نجومهم بس نجمتك تسهر
انا وياك ابدي وانتهي للموت
شحلات الزعل منك، غيمه من تمطر
تربطني المحنه وياك بحجايات
نتبادل سمرهن والفجر منطر
يا صحوة ضمير ويا قضية روح
حاسبني على گد ما تشتهي واكثر
اذا دثرني ليلك والظلع بردان
جا ياهو اليدفي جفوفي.. من تخدر؟
اذا بعض الزلم بالعشك بس عنوان
لو صار الصدگ يختفي ويتعذر
واذا صار القلم ما يكتب الحسرات
بعد شنسوي بالاوراق ش نسطر
كل يوم اليمر يكبر عمرنا بساع
خل ايام حبنه وياه هم تكبر
ما يسوه الوكت تتقاسمه الايام
مرة بزعل مره فرااگ ، مانگدر
حط روحك بروحي ولفه لفة موت
متحصل ولف مثلي على الاخر
برهن للعشگ بس انت بالميدان
مثل زود الورد ع الصخر لو خضر.
-------
//حصري//
بس انت الوحيد البيك ما اخسر
فاضن بالعشك ايامنا الحلوات
تغيب نجومهم بس نجمتك تسهر
انا وياك ابدي وانتهي للموت
شحلات الزعل منك، غيمه من تمطر
تربطني المحنه وياك بحجايات
نتبادل سمرهن والفجر منطر
يا صحوة ضمير ويا قضية روح
حاسبني على گد ما تشتهي واكثر
اذا دثرني ليلك والظلع بردان
جا ياهو اليدفي جفوفي.. من تخدر؟
اذا بعض الزلم بالعشك بس عنوان
لو صار الصدگ يختفي ويتعذر
واذا صار القلم ما يكتب الحسرات
بعد شنسوي بالاوراق ش نسطر
كل يوم اليمر يكبر عمرنا بساع
خل ايام حبنه وياه هم تكبر
ما يسوه الوكت تتقاسمه الايام
مرة بزعل مره فرااگ ، مانگدر
حط روحك بروحي ولفه لفة موت
متحصل ولف مثلي على الاخر
برهن للعشگ بس انت بالميدان
مثل زود الورد ع الصخر لو خضر.
-------
//حصري//
