على شفاف الجرح للشاعر العراقي الكبير ايهاب المالكي

[آهاات حالمة]

[align=center][tabletext="width:90%;background-color:skyblue;"][cell="filter:;"][align=center]على شفاف الجرح


على شفاف الجرح طعم الخسارة ايطيح
يدري بطعمه مر ويشتهي مجبور
بي خيرته ماخيرته بيـــــــن اثنين
مااسمح بغيره وماعدا محضور
ردته يموت جرحي وخاطرة مجبور
حي ماردته يبقى وخاطرة مكسور
ينزف ذكرياتك ضال احتـــــــــــــــار
انتــــه اتدوربية لوالدم اتدور
لان حافر بخدي للدموع كبــــــــــور
من امسح دموعي جنت اهدم كبور
تعرفهه القصيدة الالي من الدخــان
رمــــــاد يطير منهه لاتظن طيور
من يدري القلم كاتبهه الك يغتاض
ويشكك صورك والقوافي اتثور
مملكتك بروحي انقاظ ظلت ليش؟؟
مالك اثر بيهه بس بقايا قصور
لاعرشك لكيتة لااثـــــــــــر للتاج
لاظلت رعية لاحـــرس عالسور
انه دورتك ورديـــــــــت مالاكيك
رد جيش امنياتي منسحب مكسور
وانه خايف لان عد ذكرياتك سيف
انه بس جرح شايل من خفت معذور
حتى أبياتي احس صارت مشانق ليش؟
على ركبة خيالي المفردات أتدور
بارض اوراقي اكو معتقل مابي باب
بي مقصلة لشعري وبي كبر محفور
على كل سطر ملتف سلك شائك حاد
خاف الكه القصيدة ذابحتهه سطور
تدري شكمت اسوي حتى اوصف بيك؟
كمت اترك المطلع على اوراقي شهور
اذب جرحي طعم حتى الصور تلكاه
اذا حسن خيالي بي جرح منثور
واتناساه جذب بس انه بالي وياه
ويلتمن واكضهن واكتشفهن زور
اردقلمي مثل كلكامش من يعود
من فكرة بخيالي عابرلهه بحور
وتلاكي نوارس ذكرياتك بيض
بس من يوصلنله يكتشفهه صكور
صح شارد فكر بس عن حذر مو خوف
لان مملحة ضعفي علجروحي تجور
انه شفتك بعت ماطاح بذني السوم
لوعالسمع سهلة علسمع مكدور
اذل روحي نعم بس موالك للزين
انه يم الشماته بالعكس مغرور
اضم جرحي بقبو حتى الضوة يعميه
شني من جرح عندي ينعمي بالنور ؟؟
من تحطني بجمر شتريد ثلجي يذوب؟؟
خل تبرد جروحي وانجمد مشكور
صح ابرد اذا بعيوني دمعة اتطيح
بس اكتشف بيهه شاعريتي تفور..


[/align][/cell][/tabletext][/align]​

 

[منار]

رد: على شفاف الجرح للشاعر العراقي الكبير ايهاب المالكي

كلمات راااقت لي

اختيار روعه

دمتم بخير

 

[✿قہہمہہر✿]

رد: على شفاف الجرح للشاعر العراقي الكبير ايهاب المالكي

يثلموووووووووووو

 

[آهاات حالمة]

رد: على شفاف الجرح للشاعر العراقي الكبير ايهاب المالكي

اسعدني مروركم
نورتوا الموضوع
لكم ارق تحية

 

[ڪڪوآيهہ 'ۦ']

رد: على شفاف الجرح للشاعر العراقي الكبير ايهاب المالكي

موضوع مميز
عاشت الايادي

 

[آهاات حالمة]

رد: على شفاف الجرح للشاعر العراقي الكبير ايهاب المالكي


نورتي غاليتي
شكرا للمرور العطر
لكِ ودي

 

[❦ خوَخايةِ ❦]

رد: على شفاف الجرح للشاعر العراقي الكبير ايهاب المالكي

عاشت الايادي

 

[آهاات حالمة]

رد: على شفاف الجرح للشاعر العراقي الكبير ايهاب المالكي

شكرا لعبق تواجدكِ والمرور
انرتِ الموضوع بطلتكِ العطرة
دمتي بخير وسعادة