..
تاهت..
فوگ مزنات المطر
گمرة ازغيرة
تسولف قهر
ولمينه
من كل طينة خبر
وفرشنه
بصواني العرس
طعم اضفاف
وشوية نهر
ورشينه
عله الماشين بينا
من كل زهره
منشنشه عطر
وردنه نحضنها
شردت وكحة
جنها ربيع
وفزت سنابل للنحر
خلينا نمشي
مثل امس
ايد ابيد
ولا تفر فرت مهر
تدرينه گيضنه
الليل ونومناه
وگمنه نعناد
برده وما شفناه
يلي اخديدك
جرنه بحلمه
وصرنه انشمه
وبوسناه
وبس صارت
اعيونه بينه
حلم ازغار
وضاع ورديناه
وجينه انحشم
دگات اگليبك
بلچن يفزز
اخيال النومناه
بالك تتخيل
عوف اخيالي
ضيعنه بعيونك
كل الصفنة
وضمينه حدر الشفه
شعر امس لعيونك
اكتبناه
20/02/2025
العـ عقيل ـراقي
التعديل الأخير:
