[align=center][tabletext="width:60%;background-image:url('http://www.f-iraq.com/vb/backgrounds/5.gif');background-color:darkred;"][cell="filter:;"][align=center]
خط الكوسترات الي يفوت بمنطقتنا و ياخذنا لمنطقة ثانية .. تحديدا يفوت بشارعنا و مقابيل بيتنا بالضبط ... يعني باب بيتنا الخارجية اذا اطلع اوكف مقابيلها و تفوت كوستر ممقبطة .. عادي توكفلي واصعد .. جنت من اروح للدوام وارجع ما اتعب ابد مثل باقي الطالبات الي بيوتهم بنهاية المنطقة او بالفروع جوى .. و حتى بأيام المطر والشوارع تفيض هم مجنت اهتم .. لان من باب الكوستر لباب بيتنا ..
على طاري الباب .. الباب المقابيل بيتنا باب بيت خالة ام صباح .. خالة ام صباح عدها اربع ولد و زوجها متوفي .. الاربع ولد ينحلف براسهم بالمنطقة لان كلهم طيبين و متربين تربية حلوة ..
الجبير اسمه صباح خريج علوم سياسية و يشتغل بشركة اهلية ..
الاصغر منه اسمه حسن خريج تربية رياضية و يشتغل بالشورجة ..
الاصغر بعد اسمه صفاء عنده محل مال حدادة و خريج كلية هندسة ..
الصغير كلش الي عليه الحجي كله و قصتي كلها بي .. اسمه احمد .. حاليا موظف و سابقا يداوم بالمستنصرية ..
احمد جان اكو سلام بيني و بينه و نظرات متبادلة .. عرفته هو وصغير وجان نفس مدرستي بس ابد ماعندي حجي وياه .. حتى لعب منلعب سوية لان همه الولد يلعبون بالشارع الوراهم و احنا اصلا منلعب بره لان هم ابونا ميقبل و هم بيتنا عالشارع وسيارات رايحة و سيارات جاية .. بس اخوتي عادي يروحون يلعبون وياهم ..
اول مرة حجيت وي احمد جان بالفاتحة مال جوارينا .. لان الشارع انسد بسبب الجادر الي انصب و هو اجه دك الباب علينا واني طلعت عليه و طلب يربط السيار الكهربائي .. بوقتها هو جان يشوفني بس هم اول مرة يحجي وياي بيها ..
من وراها بدت النظرات بيني و بينه او الاصح زادت النظرات ..
جان يسلم طبيعي واني هم ارد السلام عليه طبيعي .. لحد ما بيوم من الايام انصدمت بي جاي لكليتي و عرفت بيومها هو جاي عليا ..
من شافني كالي هاي شنو انتي هنا ؟
كلتله اي و رديت سلامة .. كال والله ماعرف اني جاي على فلان شخص صديقي يداوم بفلان قسم و اختصاصة هيج .. اني ضحكت و عرفت هو جاي عليا .. كالي شبيج تضحكين ؟
كلتله ماكو هيج اختصاص هنا .. هو كام يذب الوان وخجل و كال الا اكلج جاي اشوفج هنا ..
كلتله تشوفني !
كال اي والله حبيت امر اسلم عليج .. كلتله شنو الداعي للسلام ؟
كال بس سلام ..
كلتله وعليكم السلام محتاج شي بعد ؟
كال لا .. و عفته ورحت .. جان يصيحني كال اوكفي يمعودة صدك تحجين ؟
كلتله مو انت تكول بس سلام .....
كال اي سلام و شوية كلام ... و من يومها بدت علاقتي بي .. كام اليوم الي يفوت و احمد ما اشوفه لو ما احجي وياه ميمشي .. وعبالك الدنيا توكف عندي ..
وهو نفس الشي يصير وياه ... ومرت فترة سنتين تقريبا علاقتي بي مستمرة لحد ما فتح محل مال غذائية و جملة جوى يم السوك .. المحل فتحه حتى يكدر يدخل من هالمحل لأهلي و يطلب ايدي و يكلهم اكدر اعيشها وعندي مصدر رزق لحد ما اتخرج واتوظف و حتى لو ما اتخرج عندي اسواق و ماشية حياتي ..
والله وصدك سواها الولد و اجه خطبني وطبعا اهلي ما حجو شي و وافقو .. و تزوجنا .. عشنا احلى فترة بحياتنا ببداية زواجنا .. والله رزقنا بولد حلو بس ورى متخرجنا .. لان جنا منريد نسوي اطفال قبل التخرج ..
هو توظف بس اني مجنت محتاجة الوظيفة اصلا ..
حياتي جانت حلوة كلش .. و احلى شي بحياتي قرب بيت اهلي من بيت اهل رجلي .. باب مقابيل باب ..
بس للأسف انكلبت حياتي كلب بليلة ويوم ..
زوجي عنده سيارة حديثة وهو من النوع يمشي سريع دائما .. بيوم من الايام رايحين نشتري غراض لان جنا ناوين نروح سفرة لتركيا اسبوعين نبقى .. رجعنا و تحديدا على طريق الدورة .. ابو سيارة كسر على احمد واحمد راد يخلص نفسه و افترت السيارة بيدة .. 3 كلبات انكلبت .. احمدالله واشكره بذاك اليوم ابني مجان ويانا و باقي ببيت اهلي ..
صحيت من الحادث لكيت ايدي اليمنى مو بجسمي .. و احمد عنده كسور بس .. بس اني ايدي فقدتها ..
السيارة من انكلبت ايدي طلعت من الشباك و طبعا هالحجي اني مادري بي بس على حسب استنتاجات اهلي واهل احمد و الدكتورة الي عالجتني .. يكولون ايدج طالعة من شباك الباب الامامي بعد ما انكسر الشباك مال سيارة و مكلوبة السيارة على ايدج ..
وصرت تك ايد ... ايدي راحت ..
مريت بحالة نفسية رهيبة بعد ماعرفت هالشي بس جان الكل يحاول يضحكني و يحسسني بهل الشي طبيعي و عادي .. حتى احمد نفس الشي ..
بس جذابين .. كلهم جذابين وخصوصا زوجي الي احبه اكثر من روحي ..
زوجي الي احبه والي بحياتي مجنت متوقعة راح يخوني لو يعرف عليا وحدة .. سواها ..
سواها وحسيت بي و ماكو مرية بهل الكون متحس برجلها اذا يخونها .. حسيت بي ..
اصلا كامت تجز نفسه من عندي و ميتقرب مني .. و مو بس هاي ..
من احاسبة واكله انت تعرف عليا احد ..
يكول و كدام حتى اهله و بصوت عالي (بابا انتي تخبلتي من ايدج انكطمت و كمتي تتخيلين اشياء مصايرة راجعي دكتور نفسي احسنلج) بس وداعة ابني و الله لا يخلي يصبح الصبح هو يخوني ويعرف عليا بنات ..
وداعة ابني يعرف اكثر من بنية عليا ..
و بقى على نفس تصرفاته وكل مرة يكول تخبلتي و راح لأهلي كالهم نفس الشي و الاصعب و الاعظم بعد ..
اهلي يتهامسون بيناتهم و يكولون هاي صدك صار وياها هيج من ايدها راحت ...
و طلعت من بيته .. و رجعت سكنت ببيت اهلي .. واخذت ابني يمي و طلبت طلاق ..
طبعا هو طلقني رئسا بحجة البنية تخبلت من ورى ايدها .. و اني حتى اثبت للكل اني متخبلت و كل شكوكي بمحلها و عقلي بعده براسي ... توظفت بشهادتي و داومت بالوظيفة ..
بس اصعب شي عليا اليوم ..
من مرات تصير عيني بعينة من اروح للدوام .. لان بيت مقابيل البيت ..
مو هو والله ..
مو احمد الي جان يوكف ورى الباب و يأخر طلعته وي طلعتي حتى يسلم عليا ..
مو احمد الي جان يجيني يوميا للكلية و يوكفلي برى بالمطر و بالحر حتى بس نتمشى اني وياه شوية ..
مو احمد الي جان يتخبل اذا يشوفني واكفة وي طلاب بيهم شباب ..
مو احمد ..
عبالك شخص ثاني ... عبالك شخص قاسي الكلب و ماعنده اي حنيه عليا ..
انتهى
[/align][/cell][/tabletext][/align]
خط الكوسترات الي يفوت بمنطقتنا و ياخذنا لمنطقة ثانية .. تحديدا يفوت بشارعنا و مقابيل بيتنا بالضبط ... يعني باب بيتنا الخارجية اذا اطلع اوكف مقابيلها و تفوت كوستر ممقبطة .. عادي توكفلي واصعد .. جنت من اروح للدوام وارجع ما اتعب ابد مثل باقي الطالبات الي بيوتهم بنهاية المنطقة او بالفروع جوى .. و حتى بأيام المطر والشوارع تفيض هم مجنت اهتم .. لان من باب الكوستر لباب بيتنا ..
على طاري الباب .. الباب المقابيل بيتنا باب بيت خالة ام صباح .. خالة ام صباح عدها اربع ولد و زوجها متوفي .. الاربع ولد ينحلف براسهم بالمنطقة لان كلهم طيبين و متربين تربية حلوة ..
الجبير اسمه صباح خريج علوم سياسية و يشتغل بشركة اهلية ..
الاصغر منه اسمه حسن خريج تربية رياضية و يشتغل بالشورجة ..
الاصغر بعد اسمه صفاء عنده محل مال حدادة و خريج كلية هندسة ..
الصغير كلش الي عليه الحجي كله و قصتي كلها بي .. اسمه احمد .. حاليا موظف و سابقا يداوم بالمستنصرية ..
احمد جان اكو سلام بيني و بينه و نظرات متبادلة .. عرفته هو وصغير وجان نفس مدرستي بس ابد ماعندي حجي وياه .. حتى لعب منلعب سوية لان همه الولد يلعبون بالشارع الوراهم و احنا اصلا منلعب بره لان هم ابونا ميقبل و هم بيتنا عالشارع وسيارات رايحة و سيارات جاية .. بس اخوتي عادي يروحون يلعبون وياهم ..
اول مرة حجيت وي احمد جان بالفاتحة مال جوارينا .. لان الشارع انسد بسبب الجادر الي انصب و هو اجه دك الباب علينا واني طلعت عليه و طلب يربط السيار الكهربائي .. بوقتها هو جان يشوفني بس هم اول مرة يحجي وياي بيها ..
من وراها بدت النظرات بيني و بينه او الاصح زادت النظرات ..
جان يسلم طبيعي واني هم ارد السلام عليه طبيعي .. لحد ما بيوم من الايام انصدمت بي جاي لكليتي و عرفت بيومها هو جاي عليا ..
من شافني كالي هاي شنو انتي هنا ؟
كلتله اي و رديت سلامة .. كال والله ماعرف اني جاي على فلان شخص صديقي يداوم بفلان قسم و اختصاصة هيج .. اني ضحكت و عرفت هو جاي عليا .. كالي شبيج تضحكين ؟
كلتله ماكو هيج اختصاص هنا .. هو كام يذب الوان وخجل و كال الا اكلج جاي اشوفج هنا ..
كلتله تشوفني !
كال اي والله حبيت امر اسلم عليج .. كلتله شنو الداعي للسلام ؟
كال بس سلام ..
كلتله وعليكم السلام محتاج شي بعد ؟
كال لا .. و عفته ورحت .. جان يصيحني كال اوكفي يمعودة صدك تحجين ؟
كلتله مو انت تكول بس سلام .....
كال اي سلام و شوية كلام ... و من يومها بدت علاقتي بي .. كام اليوم الي يفوت و احمد ما اشوفه لو ما احجي وياه ميمشي .. وعبالك الدنيا توكف عندي ..
وهو نفس الشي يصير وياه ... ومرت فترة سنتين تقريبا علاقتي بي مستمرة لحد ما فتح محل مال غذائية و جملة جوى يم السوك .. المحل فتحه حتى يكدر يدخل من هالمحل لأهلي و يطلب ايدي و يكلهم اكدر اعيشها وعندي مصدر رزق لحد ما اتخرج واتوظف و حتى لو ما اتخرج عندي اسواق و ماشية حياتي ..
والله وصدك سواها الولد و اجه خطبني وطبعا اهلي ما حجو شي و وافقو .. و تزوجنا .. عشنا احلى فترة بحياتنا ببداية زواجنا .. والله رزقنا بولد حلو بس ورى متخرجنا .. لان جنا منريد نسوي اطفال قبل التخرج ..
هو توظف بس اني مجنت محتاجة الوظيفة اصلا ..
حياتي جانت حلوة كلش .. و احلى شي بحياتي قرب بيت اهلي من بيت اهل رجلي .. باب مقابيل باب ..
بس للأسف انكلبت حياتي كلب بليلة ويوم ..
زوجي عنده سيارة حديثة وهو من النوع يمشي سريع دائما .. بيوم من الايام رايحين نشتري غراض لان جنا ناوين نروح سفرة لتركيا اسبوعين نبقى .. رجعنا و تحديدا على طريق الدورة .. ابو سيارة كسر على احمد واحمد راد يخلص نفسه و افترت السيارة بيدة .. 3 كلبات انكلبت .. احمدالله واشكره بذاك اليوم ابني مجان ويانا و باقي ببيت اهلي ..
صحيت من الحادث لكيت ايدي اليمنى مو بجسمي .. و احمد عنده كسور بس .. بس اني ايدي فقدتها ..
السيارة من انكلبت ايدي طلعت من الشباك و طبعا هالحجي اني مادري بي بس على حسب استنتاجات اهلي واهل احمد و الدكتورة الي عالجتني .. يكولون ايدج طالعة من شباك الباب الامامي بعد ما انكسر الشباك مال سيارة و مكلوبة السيارة على ايدج ..
وصرت تك ايد ... ايدي راحت ..
مريت بحالة نفسية رهيبة بعد ماعرفت هالشي بس جان الكل يحاول يضحكني و يحسسني بهل الشي طبيعي و عادي .. حتى احمد نفس الشي ..
بس جذابين .. كلهم جذابين وخصوصا زوجي الي احبه اكثر من روحي ..
زوجي الي احبه والي بحياتي مجنت متوقعة راح يخوني لو يعرف عليا وحدة .. سواها ..
سواها وحسيت بي و ماكو مرية بهل الكون متحس برجلها اذا يخونها .. حسيت بي ..
اصلا كامت تجز نفسه من عندي و ميتقرب مني .. و مو بس هاي ..
من احاسبة واكله انت تعرف عليا احد ..
يكول و كدام حتى اهله و بصوت عالي (بابا انتي تخبلتي من ايدج انكطمت و كمتي تتخيلين اشياء مصايرة راجعي دكتور نفسي احسنلج) بس وداعة ابني و الله لا يخلي يصبح الصبح هو يخوني ويعرف عليا بنات ..
وداعة ابني يعرف اكثر من بنية عليا ..
و بقى على نفس تصرفاته وكل مرة يكول تخبلتي و راح لأهلي كالهم نفس الشي و الاصعب و الاعظم بعد ..
اهلي يتهامسون بيناتهم و يكولون هاي صدك صار وياها هيج من ايدها راحت ...
و طلعت من بيته .. و رجعت سكنت ببيت اهلي .. واخذت ابني يمي و طلبت طلاق ..
طبعا هو طلقني رئسا بحجة البنية تخبلت من ورى ايدها .. و اني حتى اثبت للكل اني متخبلت و كل شكوكي بمحلها و عقلي بعده براسي ... توظفت بشهادتي و داومت بالوظيفة ..
بس اصعب شي عليا اليوم ..
من مرات تصير عيني بعينة من اروح للدوام .. لان بيت مقابيل البيت ..
مو هو والله ..
مو احمد الي جان يوكف ورى الباب و يأخر طلعته وي طلعتي حتى يسلم عليا ..
مو احمد الي جان يجيني يوميا للكلية و يوكفلي برى بالمطر و بالحر حتى بس نتمشى اني وياه شوية ..
مو احمد الي جان يتخبل اذا يشوفني واكفة وي طلاب بيهم شباب ..
مو احمد ..
عبالك شخص ثاني ... عبالك شخص قاسي الكلب و ماعنده اي حنيه عليا ..
انتهى
[/align][/cell][/tabletext][/align]
