دمعة العاشكَـ حزينه
دمعة مليانه جروح
تبجي عالراح من اديهه
وكُلشي منها بلايه روح
امي تسألني وتنادي
إبني يالباني الصروح
وينها أحلامك حبيبي
ووين بوسات الصباح
ووينها اوعودك اليه
وماشفت بس الجراح
رحت يُمه لغير دنيا
ومابقى بس النواح
والفرح وياك اخذته
وكَلبي من اضلوعي طاح
جنت افرح من اشوفك
وأحمر البسها الثياب
وجنت أحني بفرحه اديه
من اشم عطرك الهاب
وجنت أناغي روحي بسمك
وانته شاب وأحلى شاب
وافتخر من أحجي عنك
وابتسم واشرح اسباب
جنت شمعة وتضوي كُلك
وبغيابك كُلشي غاب
غابت الفرحة ورسمها
وللحزن مليون باب
وصارت احلامي الجبيره
بالدمع تكتب عتاب
ومرت أيام وغيابك
خله دمعي يصير دم
لا صبر عندي واجيبه
وانتظاري بكل ألم
ومنهو اليصبرني عنك
وانته تعرف كَلب ام
جنت فرحة بروحي انته
ومن رحت كُلشي انعدم
صرت احجي وي ثيابك
وينك ابني يالشهم
ردت يايمه تجيني
واحضن بروحك واشم
واني مابين الهواجس
التصرخ بحركَة وألم
جاني صوت بحزن يبجي
صوت مابيه كُل وهم
جيت يا يُمه احضنيني
جيت ملفوف بعلم
:::
بقلم
مُخلد الشِمَري
16..10..2014
:::
رحم الله شهداء الوطن والعقيدة وتغمد أرواحهم الطاهرة برحمتهِ الواسعة
وأسكنهم فَسيح الجنات
إنهُ سميع مُجيب..
دمعة مليانه جروح
تبجي عالراح من اديهه
وكُلشي منها بلايه روح
امي تسألني وتنادي
إبني يالباني الصروح
وينها أحلامك حبيبي
ووين بوسات الصباح
ووينها اوعودك اليه
وماشفت بس الجراح
رحت يُمه لغير دنيا
ومابقى بس النواح
والفرح وياك اخذته
وكَلبي من اضلوعي طاح
جنت افرح من اشوفك
وأحمر البسها الثياب
وجنت أحني بفرحه اديه
من اشم عطرك الهاب
وجنت أناغي روحي بسمك
وانته شاب وأحلى شاب
وافتخر من أحجي عنك
وابتسم واشرح اسباب
جنت شمعة وتضوي كُلك
وبغيابك كُلشي غاب
غابت الفرحة ورسمها
وللحزن مليون باب
وصارت احلامي الجبيره
بالدمع تكتب عتاب
ومرت أيام وغيابك
خله دمعي يصير دم
لا صبر عندي واجيبه
وانتظاري بكل ألم
ومنهو اليصبرني عنك
وانته تعرف كَلب ام
جنت فرحة بروحي انته
ومن رحت كُلشي انعدم
صرت احجي وي ثيابك
وينك ابني يالشهم
ردت يايمه تجيني
واحضن بروحك واشم
واني مابين الهواجس
التصرخ بحركَة وألم
جاني صوت بحزن يبجي
صوت مابيه كُل وهم
جيت يا يُمه احضنيني
جيت ملفوف بعلم
:::
بقلم
مُخلد الشِمَري
16..10..2014
:::
رحم الله شهداء الوطن والعقيدة وتغمد أرواحهم الطاهرة برحمتهِ الواسعة
وأسكنهم فَسيح الجنات
إنهُ سميع مُجيب..
