كتلك احبك نعم

[رمااد اانسان]

كتلك احبك نعم وبهــــــــــذه أني اعترف
ضنيت منك وصـــــــل وعديتك أحسن ولف
يوميه أمــــر بحضــــرتك بيها ازور أو إلف
مو مـــــــره اتـــــاملك خمسين مـــــره وألف
بس انتــــــه إلي ابعدت ماجني الكـــــم ولف
هيج انته قاسي كلب وهيج انته كلش صلف
لاترضه تكرب الي ولاترضــــــه عني تعف
جرحــــك ســــــــكن مهجتي الله شكبره كلف
غلطان من حســـــــــــــبت انك رقيق وترف
تعبت حالــــــــي بعشرتك والريج كلش نشف
موجنت اغنيلك لحن تطــــــــرب تهز الجتف
جـــم مره بيدك صفكت وتكــول أحلا عزف
وجــــم مره تنثر كــــذلتك يعجبني ذاك الزلف
ماحاجــــــــه احـــلف الك تعرف بدون الحلف
جان القصد حب من صدك ماجان غيره هدف
موتت بيدك عشك وجنـــــــازه بيـــــدك تزف
أدفنته مدري بياأرض ياريتــه مدفون بنجف
وسديت عني الهــوى ماجنه صحبه اوعرف

خلدون الانباري

 

[الشيخ]

رائع وجميل ماسطر قلمك


شكرا اخي خلدون
دمت بالف خير